Lo Spassatiempo 1875 n.001 - 1875-03-05

by Luigi Chiurazzi

 EPUB   MOBI   PDF   RTF   TXT

Anno I. — Nummero 1

Costa UNO Sordo

Esce ogne Dommeneca

---

---

LO SPASSATIEMPO

---

---

VIERZE E PROSE

	FATTE
	Pe n’anno	L. 3,00
	Se mise	1,75
	No nummero scurzo	C. 20

NOVE E BECCHIE

DE LUIGI CHIURAZZI E D’AUTRE

---

L’associaziune se fanno a Napole, a lo Llario de le Pigne, mo, Chiazza Cavour 47.

Lettere, vaglie, manoscritte, tutte ntestate e affrancate a lo direttore L. Chiurazzi.

---

LEGGITE! Chi ave sto primmo nummero pe la Posta e non lo torna arreto, lo tenimmo comme appardato. Napoli 7 marzo 1875 PRIMMA PIATANZA Amice, addivinatece    Che so ghiuto a pensare?    Contarve quatto chiacchiere,    E fareme pavare. Cheste penzate mascole    Se ponno fa da me,    Quarcosa pe sceppareve,    E fare ora pro me ! Non ve mettite nguardia,    E non ve spaventate;    Io non so de chill’ uommene    Che menano stoccate. Anze so troppo sbrenneto;    Na prova ve ne do;    E senza trovà refreche    Lo mmosto mo pe mo ! Io voglio a la dommeneca    Caccia sto giornaliello...    Che costa ? Na miseria.    Quanto ? No sordacchiello ! Fatto co tanta stroppole    Da fareve spassà ;    A chi non le bò sentore.    Non aggio che le fa. Chi po vo’ associarese    Pe n' anno, e bo sentire    Lo prezzo, lle sto a dicere:    Mannateme tre lire ! E pe se mise?.. È soleto    D’ ascire da lo sinco.    Lo costo è de cienteseme    Cientosettantacinco. Ma a scanzo de pericolo,    De mbruoglio e azzuffa azzù ,    Avite da canoscere    A mme e a nisciuno cchiù! Luigi Chiurazzi

LL’ OVA COTTE Vi comme è carreco    Chisto sportiello!    Chi vo’, che chiammano.    Ccà sta Meniello!      So fresche e bolloeno;      Sò saporite;      Ponno abbastareve      Pe quante site.         Songo de papare,         Storze e gallotte;         Sò quatto a ruotolo.           Vì ch’ova cotte ! So no streverio,    Nennè, chest’ova;    Viene a bederele;    Viene le pprova !      Vi comme coceno,      Pigliale mmano ;      Cheste mo stevano      Ntra lo tiano.         Songo de papare ec.

---

---

Vorria scommettere    Ca cchiù de doje,    So vuo’ magnarete,    Non te ne puoje,      Pecchè te saziano;      So de sostanza,      E fanno jenchere      Bona la panza!         Songo de papare ec. Chi lle po tenere,    Accossì grosse,    Fresche, majateche,    Vollente e rosse!      No, non c’ è n’autro,      Che te po dà,      St'ova de papare      Chetengo ccà!      Songo de papare ec. Luigi — Chiurazzi I. LA NASCETA E PASCETA MIA A li dudece ottobre songo nato,    A lo trentuno abbascio a lo Pennino,    Da Ntonio Chiurazzi l’avocato    Che de grieco era masto e de latino. Co nomme do Luigio vattiato    Fuje, comm' a no frate mio cocino;    Non aggio maje sapute comme è stato    Che ad aspettà me steva sto destino, D' avere pe compagna na mogliera,    Che quanno arape chillo cannarone,    Li strille caccia comme a na fochera; Io la vorria sparà co no cannone,    Se non me mannariano ngalera.    Ah, legge, tu faie farme lo... troglione! II. LO MIO RITRATTO So corporento e de bona salute,    Simbè facesso friddo sto nfocato;    Li pile janche nfaccio me so asciute;    La varva è chiena e lo naso è allargato. L' uocchio so nire e le ciglia affollute;    Lo fronte è lario e gruosso ed è schioccato;    Li diente non sò scritte e nè zannute;    Lo viso a quarche parte s’ è arrappato. Nisciuna cosa tengo co difetto;    Lo cuollo non è sicco e non è chiatto;    La vocca non è grossa, e so brunetto. Nzomma, non songo n’ ommo scontrafatto:    Sulo la faccia è comme a lo scozzetto;    Chisto è lo spiccecato mio ritratto!

III. SONGH'IO Non songo ricco e manco sfasolato;    Nè cerco volè fa lo signorino;    Non me ponno chiammare scrianzato;    Rispetto lo lontano e lo vicino. Non songo goliuso a cagnà stato,    O tengo o se non tengo lo carrino.    Pe mè, vaco facenno lo criato,    Pe ghì accattanno pane, carne e bino. Vaco vestuto comme a n’ ommo antico;    Quanno cammino pare n’ alloccuto,    Nè me n'addono se passa n’ amico. Ma a lo parlà so sempe resoluto!    E zzò che tengo ncore tutto dico..    Va chià!... ca lo sonetto e già scomputo! IV. LI DIFIETTE MIEJE Songo nfernuso, e tengo no cerviello    Ca quanno ncoccio è pevo de na vreccia.    La lengua nchiova, comme a no martiello    Te fà, te sfà, te scioglie, attacca e ntreccia; Vorria mangiare co no sordacchiello.    Avè lo buono e de scartà la feccia;    A lo viecchio, se fa lo guaglionciello,    Lle menarria lo nniro de la seccia. Co lo niozio songo trascurato;    M’attacco ncostiune co pagliette,    Vorria alluccare e tengo poco sciato. Lasso lo pane è magno li confiette;    Me lagno sempe d' esserme nzorato;    E chiste tutte so li mieje difiette! Luigi Chiurazzi LA MMITÀ DE QUARAJESEMA Oh, signò Quarajesema vecchia    De la strata e arrivata a mmità;    E lo puopolo già s' apparecchia    A bolerla pe miezo spaccà;    Seca seca molleca molleca;    A la sacca chi tena manteca. Li diune perfette nzi a mmone    Songo assaie ma parlo pe me;    E atettante de farne soppone    Cchiù perfette; e ssapite pecchè?    Seca seca molleca molleca;    Pecchè ncuollo non tenco manteca. Ca so venneno arenche, sarache,    Stoccofisso o porzì baccalà;    Chi li pote accattare? ste brache;    Pozzo schitto sorchianno addorà.    Seca seca molleca molleca;    Non ce sta la sonante manteca.

---

---

Se la sciorta mo vole mannare
   Quacche piezzo per farme magnà,
   Tanno cagne accossì ntercalere,
   E zompanno me mette a cantà:
   Seca seca molleca, molleca,
   Aggio fatto, aggio fatto, manteca!

(maje stampata) Bar. Michele Zezza

---

LA SIMPATIA

Mamma cara, vuje parlate,
   Signorsì, pe bene mio,
   Ma sto core lo sace’ io
   Pe cchi fa lo ttippe ttà!
Chillo Conte che me vole,
   È no bravo cavaliero!
   E bò farme lo corriero,
   E la dote me vo dà!
Don Taddeo, che mm’ha cercato,
   È addavero n’ommo d’oro;
   È avanzato a contraloro,
   E cchiù nnante passarrà.
Nfaccia a me purzì se ncanta
   Lo mercante don Giovanne;
   É no giovane a bint’anne,
   È rrecchissemo; ma...ma...
Ntra sta terna nuziale
   Non po scegliere sto core,
   Ca Mattia lo cosetore
   Lo venette a ncaparrà.
Pure fusteve figliola,
   E ssapile, mamma mia.
   Che addò sta la simpatia,
   La ragione no nce sta!

(maje stampata) Bar. Michele Zezza

---

VATTÈ NO MME SECCÀ!

Vi comme ti sì fatto.
   Me pare na muscella,
   E dice ca sì bella?
   Vattè, non me seccà!
Ca faje tanta mottiette,
   Te vide, o sì cecata!
   Sì becchia e sì arrappata,
   Va llà, non me seccà!
Tu tiene na salute,
   Clie pare carta straccia:
   Te pitte naso e faccia:
   Vattè, non me seccà!
Io songo de parola,
   Non fa la vommecosa,
   Ca sempe chesta cosa
   Dico: non me seccà!

Simbè me prommettisse
   Na statova d’argiento,
   Sò chiacchiere a lo viento
   Va llà, non me seccà!
Ma tu non buò sentire!
   Comme t‘aggio a parlare?
   Chiù forte aggio alluccare;
   Vattè, non me seccà??!!

Luigi Chiurazzi

---

LA MADAMOSELLA

Madamoiselle, vous ètes charmante.
   Io per voi squaquiglio e moro.
   Co chist’uocchie fulminante
   Voi sareste il mio tesoro!
     Sanfaçons, bella ragazza,
        Appuyez, voilà mon bras —
        – Ma ched’è? vue site pazza;
        Nò strellale, guè madà!
Pare propio na pazzia;
   Io ve voglio tanto bene,
   E buje mmece, bella mia,
   Me facite cheste scene!
     E addò pò? mmiezo a la strata...
        Madamoiselle, ça n’est pas pien!
        Pe na nenna accrianzata,
        Excusez, c’est tres-vilain.
Voi ridete, ci scommetto
   Non capite il mio francese;
   Io lo parlo un poco stretto,
   Sembro nato in quel paese —
     Vous aussi, sembrate, o bella,
        Vera roba de Paris —
        O mia tenera nennella,
        Je vous aime, vous ètes jolie —
Ma, morbleu, che beco! oh! stelle,
   Lle s’accosta un Donnicola,
   L’ha afferrata le manelle,
   Lei lo guarda e se consola.
     Il fripon mi ride in faccia:
        Mascalzone!... via di qua!
        Mostra i pugni, mi minaccia...
        Mo è lo tiempo de scappà! —

Luigi Coppola.

---

PIERDETIEMPO

E	F 1875	E
F	8	F
E	F	E

Lo primmo che l'addevina s’abbusca no bello libro fiurato co lo titolo Spose e rose vierze de Luigi Chiurazzi.

---

---

NOVA SMORFIA

NAPOLETANA - TALIANA

DE LUIGI CHIURAZZI

---

---

Molti sono gli amatori del lotto in Napoli, e non vi è famiglia che non possegga e non consulti continuinuamente il libro così detto Smorfia per la interpretazione de' sogni. Non tutti cercano la squisitezza della favella; e se leggono lo fanno non per studiare, ma per profittare della sorte. Ad essere utile a costoro, tanto per rintracciare più facilmente il vocabolo che si cerca, quanto nello stesso tempo dare l'equivalente italiano, si è posto mano a questa nuova Smorfia.

---

---

A

Abachista	Computista	69
Abbagliare	Imbagagliare	3
Abbaccamiento	Convenio	10
Abbaccare	Accordarsi	9
Abbacco		48
Abbafareze	Prender d’afa	55
Abbafuogno	Favonio (vento)	60
Abbagliamiento	Offuscamento	90
Abbagnare	Inumidire	25
Abbaiare de cane	Latrare di cani	47
Abballamiento	Ballo	3
Abballare	Ballare	3
⁠sulo	solo	22
⁠co femmena	con donna	26
⁠co ommo	con uomo	16
⁠co piccerillo	con ragazzo	4
⁠co piccerella	con ragazza	10
⁠ammascarato	in maschera	51
Abballarinola	Ballerina	8
Abballarinolo	Ballerino	49
Abballarinole	Ballerini, ne,	19
Abbalorare	Avvalorare	87
Abbampare	Avvampare	51
Abbannonare	Abbandonare	60
Abbasca	Ambascia	87
Abbascuto	Smanioso	18
Abbate	Abbate	18
⁠pajesano	secolare	6
	regolare	43
⁠non zo chi è	qualunque	38
⁠che predeca	che predica	43
⁠co li spuse	con gli sposi	44
⁠stravestuto	travestito	89
⁠che confessa	al confessionale	70
⁠che benedice		47
⁠nfunzione	in funzione	18
⁠che fuje	che fugge	14
⁠muorto	morto	87
Abbate	Abbati	33
⁠non zo chi zò	qualunque	16
Abbatuozzo	Abatino	3
Abbelenare	Avvelenare	49
Abbelenarese	Avvelenarsi	61
Abbelenato, te, ti,	Avvelenato, te, ti.	62
Abellimiento	Sfoggio	80
Abbeluto, ta,	Avvilito, ta,	16

Abbentare	Spingersi	73
Abbenturiero	Avventuriero	86
Abbermecare	Inverminire	31
Abbescare	Inescare	8
Abbesognuso	Bisognoso	87
Abbete, legnammo	Abete legname	23
⁠arbere	albero	17
Abbeverare		8
⁠voje	bovi	40
⁠pecore		51
⁠mule	muli	90
⁠cavalle	cavalli	79
⁠ciucce	asini	3
⁠piecore	agnelli	21
Abbeveraturo	Abbeveratoio	8
Abbistare	Avvistare	10
Abbocare cosa q.	Inchinare	77
Abboffare cosa q.	Gonfiare	12
Abbonnanza	Abbondanza	2
⁠d’acqua		49
⁠de grano	di grano	89
⁠d'uoglio	di olio	2
⁠de fatica	di lavoro	21
⁠de vino	di vino	88
⁠de denare	di monete	20
⁠de frutte	di frutta	34
⁠d’uva	di uva	23
	d’insetti	65
⁠de malate	di ammalati	79
Abbordatore	Acciarpatore	28
Abborrato, te, c. q.	Abbronzare	85
Abboscare cosa q.	Lucrare	80
Abbotecare	Vacillare	89
Abbottare cosa q.	Gonfiare	12
Abbracciata	Abbraccio	58
Abbracce	Abbracci amorosi	44
⁠de spuse	di sposi	28
⁠de muorte	di morti	17
⁠de pariente	di parenti	56
⁠de frate	di fratelli	17
⁠de prievete	di preti	12
⁠de monache	di monache	19
⁠de pate	di padre	51
⁠de mamma	di madre	52
⁠scumposte	osceni	16

(Secotea)

---

Direttore resp.—Luigi Chiurazzi.

---

Stamparia de lo Progresso