Teatro - Menotti Bianchi/'O sfregio
NOTICE: Mixed italian-neapolitan. In general, italics are for theatrical indications and are given in italian and dialogs are mostly in neapolitan.
A
Marco Praga
- Tore.
- Gennarino.
- Nannina.
- Rusella.
- Matalena.
- 'Onna Cuncetta.
- Nu pizzaiuolo.
- Nu solachianiello.
- Nn maruzzaro.
- Voce del friggitore.
- Gente 'e strada.
- Tore.
A Porta Capuana. Nell'ora crepuscolare, il movimento intenso e caratteristico del popolo comincia ad attenuarsi. Le ombre cominciano a discendere sull'alta porta di pietra oscura, sormontata dalla marmorea effigie di S. Gennaro. Qualche lume si accende in lontananza, e la fanchiglia della via ampia rilette biecamente i primi lumi rossastri. La piazza sembra, ora, stanca della tumultosa vita popolare di tutto un giorno.
I venditori di pesci, di frutta, di castagne lesse raccolgono nel cesto l'ultima mercanzia, e si avviano. Ora, il movimento si accentua nelle pizzerie e nelle bettole, che s'illuminano d'una luce lenta e fosca, che discende dai lumi a gas, polverosi e affumicati.
Il tramonto è strano. Tutto sembra strano in questo focolario di bassa vita, pel quale, nell'ora grigia, si vedono a quando a quando indugiare uomini di mala vita e donne di malo affare.
Un ciabattino, seduto sulla cesta che contiene le suole e i ferri del mestiere, batte su d'una pietra un pezzo di suola perchè si stiri.
Un venditore di lumache, col suo tegame illuminato da un lanternino rossiccio e fumigante, è circondato da figure misere, alcune sedute alla turca, altre in piedi, che acquistano qualche soldo della sua mercanzia. Egli mette nei varii piattelli le lumache e le freselle, che si bagnano del sugo rosso. A quando a quando, dà al vento il suo grido ampio e caratteristico.
La notturna, losca vita di miseria e di vizio comincia a svolgersi nel tenebrore della sera che discende.
(Batte con le mani la pasta sulla lastra di marmo, dando la voce):
E vide soreta che te dice! ...
Soreta dice: Magnatella!
E mmàgnete 'a pizza c''o fungetiello!
(Esce dalla pizzeria, gridando): Una 'e otto, e doie 'e quatto c''a pummarola!...
Jammo, votta 'e mmane! (Mette la focaccia sulla pala che il giovane ha messa sul pancone) E falla còcere bona, ca 'o signore è rusecatore!...
(Nel rientrare griderà): Pronto c''a pala!
Cheste songo 'e sotto 'o Vesuvio!....
Nc'è scurruta 'a lava 'e ll'uoglio!...
(dopo seguita):
V'aggio fatto 'e pastiere!
Cheste so' mmeglio 'e chelle 'aiere!
Se l'ha magnate pure 'o cavaliere!....
(Ha rialzata la veste da un lato, porta gli zoccoletti di stoffa rossa fiorata, di giallo, nella mano un ombrello da uomo per la pioggia. Si
toglie la scarpina e la scaraventa al ciabuttino). L' 'e' cusuta c''a sputazza?... Tiene mente!... Nun 'o bide ca s'è scusuta?
Chià!... N'ato ppoco mme sciaccàveve!... Vuie cunzumate 'e ffierro!...
(Saltella su d'una gamba, per non mettere il piede scalzo a terra; si accosta al «maruzzaro» e dice al ciabattino): Jammo!... Fa ampressa, si no mme sporco 'e ccazette! (Cava dalla saccoccia del grembiale del pane e lo dà al «maruzzaro»): Fallo spugnà bbuono. (Appoggia il piede su d'uno scannetto).
Rusè... io ve facesse spugnà pure ll'ossa!
Neh! E pecchè?
Pecchè site malamente... cu st'uocchie 'e malandrine!
(In tono canzonatorio). Overo?!... U . Tiene mente, tie'!.. E io mo nun 'o ssapevo !.
'On Pascà!... Avite ditto proprio buono!... Rusinella overo ca tene 'e ccose belle!... 'A penna!...
(Al pizzaiuolo). Ched'è?... Vuie pure, mo?! Nun 'o bedite ca ve site fatto viecchio?
Comme se dice? Gallina vecchia fa buon brodo!...
Sì, ma 'a gallina vecchia è tosta a digerì!
(Ride unito a gli altri). Bona chesta ! ... V'ha cuóvete 'int''a scella!.. Teniteve 'a posta!
Mia signò, venitevenne, ca io v'aggio servita...
(S'accosta, saltellando su d'una gamba). Miettammillo! (Appoggia il piede sulla coscia del ciabattino, e alza la veste in modo da mostrare il polpaccio della gamba). Jammo!... Fa ampresso!
(Palpeggia la gamba di Rusella). Oh anema d''e piede 'e puorco!... Tenite tutto stu bene 'e Dio!...
È robba fatta in casa...
'E sfugliatelle 'e Caflisce!
(Dà la voce): 'O maruzzaro d''a festa!... Siente 'addore, siè!... (Con un cencio pulisce i piatelli. Il piccolo gruppo di avventori si va diradando a poco a poco).
(Al ciabattino). Io te saluto!
E ched'è?... 'E sorde..
(Lo canzona). T''e ddonco dimane... Si Di' vo'!... 'E' capito?... Si Di' vo'!
E chisto è n'ato guadagno! M'aggio fatto 'a croce!...
Lieve mano!
(Si alza). Si' Rusè, tèccheve 'o pane... (Dà il pane inzuppato a Rusella).
E tècchete 'o sordo.
Oh, che bella cosa!
Cunfiette ricce e palle 'e Silimone
magnàveno cheste!
E siente 'addore siè!
(Poi dice al ciabattino):
Si' ma', na mano.
Eccome cca. Ve ne iate?
E che ce sto' a fa'?.. Faccio 'o giro... (Al pizzaiuolo) Bona sera!
Pure a buie! (Entra nella bottega, gridando): Guagliò, 'o lume!
Oh, che bella cosa!
Quanto cchiù notte se fa,
cchiù 'e ccorne mme cacciano cheste!
E siente 'addore sie'!
Maruzze a fronna 'e rafaniello!
C'è asciuto 'a dinto nu castiello
cu tre figliole ngannatore,
'o re, 'a rigina e 'o mperatore!
E siente 'addore sie'! (Esce).
(Al ciabattino, che con i denti stira la sucla). Tira! Tira!
Gue', don Gennarino bello!... Mo mo se n'è ghiuta Rusella...
(Marcato). Ah!... E pe do' è ghiuta?
Si nun sbaglio, a' parte d''o Vasto. S'ha fatto pure mettere nu punto a 'o scarpino...
Be'!... E allora stateve buono, masto Pascà. Mo l'arrivo.
Ve saluto... (Stirando la suola con i denti). I' che vita!... (Batte il martello sulla suola). Mo' vedimmo si t'arrienne!... (Seguita a battere il martello).
(S'incontra con Gennarino). Eh!.. Comme currite!.. Iate 'e pressa?
(Accarezzandola). I' comme staie bellella cu sta veste!... Mme pare 'a Madonna 'o Carmene, mme pare!... Parola mia, ca.....
Don Gennarì!... Embe'?.. A chello che beco, nun rispettate cchiù a Tore!...
E pecchè, si è lecito?
Tore nun v'è amico?
A me? E chi 'o conosce?
Ah!... Forze ce avite avuto che dicere?
Io? No!...
Ireve tanto amice... e mo?... Va buò: aggio capito...
C'avite capito?
Aggio capito... Ve site offeso, pecchè Tore, aiere, dette nu schiaffo a Rusella...
(Con disprezzo). Tore è nu carogna! Sape fa 'o spallettone surtanto cu 'e ffemmene.... Ma m'avite 'a credere: chillo pàccaro nce 'o faccio pavà caro!.. Isso me sape.
'On Gennarì, pe norma vosta, Tore nun se mette paura 'e nisciuno, e se sape fa' ragione 'e tutte manere...
'On Gennarì!... Me fa meraviglia 'e vuie, ca ve mettite cu cierta gente...
Ne', pezzentò! Che buò venì a dicere?... Cca addurammmo 'e rose e giesummine!
(Annusa per l'aria) I' c'addore!.. I' che prufumaria!... Oi ne'!... Vattenne!..
Avite fatto buono ca m'avite avisata... pecchè se dice: «Ommo avvisato...»
Miezo stravesato!
(Entra in fretta). Neh, 'on Gennarì, avisseve visto a figliemo, Tore? (Vede Nannina e fa un atto di disprezzo).
No.
Maè, si 'o veco, v''o manno subeto...
Grazie tante: nun v'incomodate... Anze faciarrisseve meglio si 'o lassasseve. 'O Pate Eterno avarrìe 'a fa' perdere 'a semmenta d''e femmene comme a buie!...
E pecchè? Che me l'aggio appezzato io vicino 'a vunnella, a 'o figlio vuosto?... Vedite buono: è isso ca me vene sempe appriesso... Cu me nisciuno ce perde niente...
'O ssaccio, 'o ssaccio!... Vuie ll'avite fatto 'a fattura!...
E che sapite ca faccio 'a fattucchiara?
Peggio! Peggio!...
(Si stropiccia le mani). 'Onna Cunce',... abbarate bene comme parlate!... Ca, si me scappa 'a pacienza, io po' ve perdo 'o ppoco 'e rispetto.
Manco rispetto p''a mamma d''o nnammurato tuio tiene?!
(A Gennarino) Fernimmela!... (A Nannina). E tu, siente a me, lassa 'a figliemo... ca figliemo s'ha da fa' 'e fatte suoie e s'ha da spusà a chi dico io... (A Gennarino). Ve saluto!
Ve saluto! (Donna Cuncetta esce).
(Accende il lume). Si' ma', mo v'appiccio pure 'o lume: accussì ce vedite meglio.
Nun ce veco cchiù; mo me ne vaco pur io. (Smette di battere la suola).
Io mo vurrìa sapè tu che ce truove 'e bello cu Tore... Fa buono isso ca te vatte e se magna 'e ccarne toie.
E che si' meglio 'e Tore, tu?... Tu nun t''e' mpignate 'e rrusette 'e Rusella?.... Ll''e' rummasa senza manco n'aniello pe s''o mettere a 'o dito!...
È overo ca m'aggio mpignato 'e rrusette; ma ammacaro io 'e denare mm''e bevo... Ma Tore 'e lleva a tte, p''e ddà...
A chi?
E va nce 'o spie.
E tu nun 'o ssaie?...
Io nun faccio 'o sbirro 'e pulezia...
E allora nun è overo, nun te credo... Si' nu busciardo...
(Con risentimento). Io?!...
Tu, si!
Ah! Nun ce cride? E fa comme te pare e piace... (Saluta il ciabattino). Masto Pascà, ve saluto!...
(In fretta). Stateve buono, 'on Gennarì...
(A Gennarino). Sentite...
Oi ne', io nun tengo tiempo 'a perdere... Mo aggio che fa'...
Embe'... si mme dicite Tore cu chi spenne 'e sorde... io ve dico quacche cosa ca ve riguarda.
A chi? A me?
Eh!.. A buie.
Parla!...
No. Primma vuie...
Tore sta annemmecato cu na cumpagna d''a toia!
Ah! Aggio capito!... 'O nomme 'e sta... mia signora... 'o sapite?
No, 'a verità.
Eppure... vedite... ve riguarda...
Rusella?!...
'O dicite vuie... Pe me, nun v'aggio ditto niente...
Rusella!... Rusella!.. Ah, scellarata!...
Io nun ce aggio creduto... Ma.. sapite... (Vede venire Rusella) Ah! 'A vedite lloco 'amica vosta.
Zitto!
(A Gennarino). Io t'aggia parlà...
Arriva a tiempo.
Pecchè?..
Saie che m'ha ditto Nannina, poco fa?.. M'ha ditto ca io nun t'abbasto... Ca tu aie bisogno d''o supplente...
Io?
Nannì!... Dincello tu...
(A Rusella) E pecchè? T''o buò annià?
(Stringe Rusella per il braccio, e con rabbia). Te scanno!... Pe quanto è vero Dio, te scanno!...
No! No!... T''o ghiuro nnanz'a Dio!... (a Nannina). E tu mm''e' visto, tu?
Io, no... Ma 'o ssanno tutte quante...
Busciarda!... Busciarda!...
Po essere... Ma Tore...
Ah!... È stato Tore che t''a ditto?...
E nègalo, sanghe d''a...! Mo capisco pecchè Tore ogne bota ca mme vedeva faceva 'o bello!
(A Rusella) E mme facive l'amica, tu?!
Gennarì, fallo p''a Madonna!.. Fallo pe mammeta, Gennarì!... Io so' nnucente!
Vattenne! Va 'e cconta a n'ato, sti chiacchiere!... Io saccio chello c'aggia fa'... Si nun fosse overo, Tore nun t'avarria dato 'o pàccaro!....
Sì, è overo... Isso me dette nu schiaffo!... Ma fuie io 'a primma ca l'offendette... E cca sta Nannina, ca 'o po di' (A Nannina). È overo?. .
Eh, sì,... è overo... Ma te vuo' annià ca l'atriere stiste ncopp''o Campo, nzieme cu Tore?
Io?... Siente... Tu faie nu peccato murtale, Nannì! Nu peccato murtale!... (A Gennarino) Io so' nnucente! Famme chello che buò!
Ferniscela, ca te canosco.... Tu si' chiara comme a ll'acqua d''e maccarune!
(A Nannina) Pecchè rire? Ch''e' visto a Pulecenella!... Vi' che nciucessa!... (Si copre la faccia con le mani). Ah! Madonna mia!... 'Assamme sta' zitta!... Si parlo...
Ched'è, si parlo?.... Che buò venì a dicere? (Si stropiccia le mani).
(A Rusella) Iesce!... Vattenne a' casa... e abbara a te!...
Me ne vaco, sì; me ne vaco.. (A Nannina). Cu ttico po' facimmo 'e cunte...
Quanno vuò tu!... Nun mme faie mettere appaura cu sti minacce .. 'o ssa'!...
(Col garzone) 'E' capito 'e vuttà 'e mmane?
(Con sulla testa il vassoio di latta nel quale son le focacce) Patrò, lassateme accurdà 'o strumento! (Cava dalla saccoccia l'ocarina).
'E' capito 'e venì subeto?
Arrivo cca, ncopp' a' Ferrovia, e torno subeto..... (Intuona una canzone popolare. Esce. Il pizzaiuolo rientra nella bottega).
Bongiorno, Gennarì. (Guarda attorno come chi cerchi qualcuno).
A chi iate truvanno, Matalè? A Tore?
L'avisseve visto?
No.
Mia signò! Che nce avite che ce spartere cu Tore?
E buie?
Se vede ca nun site 'e stu quartiere, pe nun me canoscere.
Vuie fusseve Nannina 'a Capuana?
A servirve!... E pecchè facite sta faccia?
Ma vue nun sapite chi songo io?
E chi si'?... 'A rigina?
Chi songo io, nun l'aggia dicere a buie!... Ma una cosa ve dico: lassate 'o sta' a Tore, ca Tore nun fa pe vuie.
Overo?... Chillo mo mme sposa pure...
Se sposa a vuie?!... Iate!... Tore nun è giovane 'e chesto.
E che buò venì a dicere?
Voglio venì a dicere ca Tore nun se sposa a te... ca si' na mala femmena!...
Ah!... (Si avventa; ma Gennarino la trattiene.)
Ca tu m'accide, Tore è 'o mio!
Ma te ne miette scuorno, cu sta faccia 'e bizzoca fauza?...
Tore è 'o mio! M''ha giurato!
'O tuio?!... Ah!... Pe chella Vergene Mmaculata!... (Fa per avventarsi; ma Tore viene a tempo, e minaccioso la afferra per la gola).
Nun t'azzardà 'e lle torcere nu capillo, ca t'accido!... Te scamazzo!
(L'abbraccia e l'accarezza) Ah!... Tore mio! Grazie!...
(Quasi pentito di averla difesa). E tu, vattenne!... Nun mettere cchiù pede cca mmiezo; si no, so' guaie pe te.
Ah! Tore!... 'E' fatto comme a Ponzio Pilato... Primma cundannaie a Giesu Cristo e po' se ne lavaie 'e mmane...
Si t'aggio difesa, è stato surtanto pe frateto.
(Con dolore) E... sulamente pe chesto?...
Ma tu te ne vaie, o no? (Fa atto di mettere la mano in saccoccia).
(Trattenendole il braccio) Che vuò fa'?!....
(Minacciosa a Matal.). Mo 'a putarrisse fenì...
Me ne vaco... sì, mme ne vaco... Ma ricòrdete.... (Prorompe in singulti)
To'!... Quanno avite fatto, v'avesse 'a dicere na parola...
A me? A 'o cumanno vuosto!.... (Parlano sotto voce).
(Che ha visto tutta la scena). Ah! Ah!... Mo se mbroglia 'o tiempo!... Abbìa, abbì! (Prende la sporta, sotto il braccio e va via).
Guagliù, tengo 'o panzarotto!... Currite! È cauro cauro 'o crucchè!... Vì' cumm'è liggiero 'o panzarotto! (dà a voce):
Annascuso d''o patrone,
Faccio 'e rrote d''a carrozza!
'O patrone m'ammenaccia!
'A patrona me ne caccia!
Pecchè troppo belle 'e ffaccio
Sti zeppole c''a vurraccia!
E allora va bene: te credo... Tu nun sì' ommo 'e di' buscie... Chesta è 'a mano, e facimmo comme si nun fosse stato niente..... (Si stringono la mano).
'E ffemmene nun s'hanno 'a credere maie. Cu 'e nciucie lloro, so' capace 'e ce mettere 'o curtiello mmano e ce mannà 'ngalera!...
Ve lasso libero!... (Saluta, portando due dita al cappello, ed esce).
'Assamme sentere... Che vo' chella femmena 'a te?... É 'a nnammurata toia?...
(Ride). Ma no!...
Io te saccio... Cu essa faie 'o sentimento, mentre po'.... cu mmico.... faie chello ca vuò tu.... e quanno vuò tu!.... (risoluta) Sa che c'è di nuovo?... Ognuno se fa 'e fatte suoie, e stasera nun ce venì a' casa mia, ca... truove 'o pizzo occupato.
(Con minaccia). Nun 'o di' manco pe pazzia, ca te caccio l'anema 'a pietto!...
To'!...
Pecchè si' turnata?
(Con sorriso canzonatorio) Eh!... Bello mio, l'ostreca nun se scòzzeca tanto facilmente 'a vicino 'o scoglio...
Cca mo vene mammeta... Te vo' parlà.
E allora io mme ne vaco: Ve levo 'o fastidio... (Scherzando) Faciteme vedè cose belle!... Quanno 'e pruvammo sti cunfiette?... Sarranno iute nu poco 'acito!... Ah!.... ah!.... (Esce)
Si' cuntenta 'e mme fa' fa' sti figure?...
Ma nun 'o bide comme me so' arrudutta?... Ma core 'npietto ne tiene? 'O tenive surtanto quanno m''e' perduta!
Acqua passata...
No, Tore, no!... È na nfamità!...
Matalè!... Fallo pe santa Matalena benedetta!... Nun me ncuità cchiù!...
E accussì t''e' pututo scurda tutte 'e prumesse ca me facive?... 'e tutte 'e giuramente?...
Statte zitto!...
No, niente! Voglio parlà!... Tu mm''e' fatto perdere 'o scuorno!.... Tu m''e' distrutta!... Tu....
Zitto! Statte zitto!...
Che me ne mporta!... 'O sanno?... E quanno l'hanno saputo?.... Se diciarrà ca io so' na disgraziata e tu nu nfame.. Si, si... un nfame... che t''e' arrubbato chello ca io tenevo 'e cchiù santo!
Matalè... zitto!... Stammo mmiez''a via. Tu pienze a chello che faie?... Tu m'arruine!...
Io mme so' menata a 'e piede 'e mammeta, e ll'aggio cuntato tutte cosa... Essa m'ha perdunato!...
Ma io nun accunzentarragge maie... Io nun 'a pozzo lassà a Nannina.
Nun 'o di', To'! Nun 'o di', ca me faie ascì pazza!... Ah!.... Chella femmena t'ha affatturato. Te si' perzo!... Te si' perzo!...
Tu può di' chello che buò tu... Ma io...
Nun te pozzo spusà... È overo?... Vuò dicere chesto?
(S'ode il lento suono d'una campana). Voce 'e Dio!... 'A siente sta campana? Va, vattene 'int''a chiesa, e cerca perdono a Dio d''e peccate tuoie!...
Aie ragione!... Ma chi m'ha fatto peccà?... Tu!... Tu, nfame! Tu!...
(Le ottura la bocca con la mano). Ma che me vuò fa' passà nu guaio?!...
(Indicando il suo cuore). Io, cca dinto, ce tengo 'e cinche chiuove 'e Giesù Cristo...
E fatte capace na vota e bona!
Ah!... Si mme putesse iettà a 'e piede d''a Madonna, lle cuntarria tutte 'e ppene meie... (Risoluta). Ma 'a fernesco io!... T'aggia fa' chiagnere a lacreme 'e sanghe!... Addio! (Fa per andar via).
Addò vaie?...
E a te che te ne mporta?...
(La prende per la mano). Matalè, tornatenne a' casa...
E tu 'int''e braccia 'e chella mala femmena. Va, va!
(Con rimprovero). Matalè!...
No, no; tu si' nu buono giovene, tu si' 'e buon core... Nun me può lassà accussì... Io songo 'a toia, tutta d''a toia... Tutta!...
Va, va! Mm''e' seccato!
(Si covre il volto). Ah! Madonna mia!... Nun 'o ricanosco cchiù!... Tu mme l''e' cagnato!
(A sua madre, con ira). Che site venuta a fa'?...
So' venuta pe te levà 'a dint'a sta lota!
Pe carità, cunzigliatelo vuie, oi ma', ca accussì ve pozzo chiammà...
(A Tore) Iammo.... Viene a' casa, ca Totonno, 'o frate 'e Matalena, è venuto addo me...
Ah! Madonna mia!...
Totonno sape tutto, e io ll'aggio giurato ncopp'a chell'anema benedetta 'e maritemo ca tu te spusave a Matalena.
Ah!... Mamma mia bella!... Io nun so' degna 'e sta' vicino a vuie!...
No, figlia mia!... Tu si' na povera disgraziata!... (Si accosta a Maddalena e la abbraccia. Poi, a Tore). Te faccio dunazione 'e tutta 'a rrobba mia. Totonno dà 'a dote a Matalena... Quattuciento ducate.
Nun voglio niente 'a nisciuno!... Nun me scucciate cchiù!... Iatevenne!
(Con ira). Te smaledico 'o llatte che t'aggio dato!...
(Otturandole la bocca con la mano). No! No!... 'E ghiastemme d''e mamme còglieno! Iammo, iammuncenne! (Escono parlando. Tore entra nella pizzeria).
(Viene, fumando un «napoletano», con aria spavalda. Si avvicina alla pizzeria, chiamando): Patrò!...
Pronto!... (Dopo poco, esce) 'O cumanno!
Sta lloco Rusella?...
No. Ce sta l'amico vuosto: Tore. Che brutta cera ca tene!...
Tempesta!
E dilluvio!...
'E' fatto pace cu Tore? 'E' visto si avevo ragione io?
Ce simmo dichiarate, e ll'aggio avuto 'a credere... E po' Tore m'ha cercato scusa d''o paccaro c'aviste.
Vattenne!... Tore, primma 'e cercà scusa a quaccheduno, se facesse fa' a tanto 'o piezzo... Chillo è carne perduta!...
(Con spavalderia) Ma io...
Va buò!... Meglio accussì...
Mo simmo cchiù amice 'e primma..
Mme date 'o permesso?..
Patrò, io ve ringrazio...
'E che? (Entra nella bottega).
Nannina s'è misa n'ata vota c''o canteniere 'e Virgene... Parlavano a core a core!...
Overo?...
Chella, Nannina, 'int''arraggia, è capace 'e chesto e ato.
Tore nun è ommo 'e se tenere st'affronto.
(Gli fa cenno di tacere) Zi', zi'! 'O vi' cca Tore.
Mamma, ma'! E che brutta cera!
(Con dolore, accasciato). Nun me ne fido cchiù!... Nun me ne fido cchiù!...
Ch'è stato?... Che te siente?...
Niente!... Niente!...
Niente è troppo poco...
Se capisce!... Quanno s'appurano cierti brutti fatte, uno po' c'ha da di'?.. Niente! È overo, To'?
'E nnutizie brutte pure passano.. 'O guaio è chello ca po succedere!
Che v'è succiesso?
Nun l'aggia di' a te!...
(A Rusella) Ma io t'aggio ditto tanta vote... (Atto di minaccia).
È cosa 'e niente.. Lassa 'a i'...
Io mme faccio 'e fatte mieie... Si aggio ditto na parola, è stato a fine 'e bene...
E io te ne ringrazio...
Ma, santo Dio!, vuie ati ffemmene site tutte 'e stesse!... Una cchiù nciucessa 'e n'ata!
Mo dice buono! (Afferrando il braccio di Gennarino). Ma io me n'aggia vevere 'o sanghe!
Ma mo che buò fa'?...
(A Rusella). Tu nun tiene che fa', stammatina?
Ll'aie cu mmico?
Eh, cu ttico!
Ma na vota ca staie speruta 'e parlà, jammo, chiacchiarea. Di' tutto chello ca saie; ma nun dicere buscie.
Iammo!... Fa poche chiacchiere!
Mo... chiano chiano... 'A se' Carmela m'ha ditto ca Nannina, pe te fa' dispietto, s'è misa n'ata vota cu don Gaetanino 'o canteniere 'e Virgene.
E bravo!... Ma io nun so' muorto... 'E mmane 'e tengo ancora!
Siente a me... Penza buono a chello che faie... 'A libertà è cara e amara!
Tu qua' libertà me vaie cuntanno!
(Gli stringe la mano). E bravo!... Si' stato sempe n'ommo 'e core!...
(Vede venire la madre di Tore) To'! Mammeta!...
Mammema?!...
Iammo a' casa...
Aggio che fa'!...
To'! Nun me risponnere accussì... Ricordate ca te so' mamma... E t'aggio vuluto sempe bene!...
Auffà!...
Io pure nce 'aggio ditto ca se ne fosse turnato a' casa soia, e 'a fernesse 'na vota e pe sempe cu chella femmena.
(La guarda con disprezzo, e nasconde la faccia tra le mani). 'O bide a cuntatto 'e chi mm''e' misa?... To'... fallo pe stu lutto che porto!... Si vuo' bene a mammeta, vienetenne a' casa... Viene, me'..., ca ce sta...
Chi?
Nun 'o ssaie?
No.
Jammo! Viene! Viene arrepare a 'o male ch''e' fatto.
È overo! Aggio fatto na mala azione... So' n'ommo perduto!... Me mmèreto tutte 'e maledizione!... Ma', lassateme sta'... Chella femmena mm'ha fatto perdere 'e ccervella!... (Mentre donna Cuncetta parla con Tore, Gennarino e Rusella parlano agitati, sotto voce).
Nannina te manna 'n galera. To'!... Jammo! Fallo p''a bonanema 'e pateto, figlio mio! Vienetenne a' casa... (Lo trascina per un braccio).
Niente!... Mm'aggia vendicà apprimma! Ll'aggia sputà 'n faccia tutto 'o beleno ca m'ha dato!...
Ma che buò fa'?...
E po' 'o bedite!
Viene, fallo pe carità! Nun me fa dannà l'anema!...
Ma'!... Iatevenne. Io mo vengo...
(Accarezzandolo e piangendo). Viene a' casa. 'O bide ca sto' suffrenno cchiù d''Addulurata a 'e piede 'a Croce!... M''e' 'a fa' chiagnere accussì, tu?! Tu ca si' tutta 'a vita mia!
(Si asciuga una lagrima, abbraccia e bacia la madre). Mamma mia bella, perdoneme!... So' nu scellerato!...
Giesù Cristo mio, te ne ringrazio!
(A Tore). Dalle audienza, ch'''a mamma è santa comme 'a Madonna!...
(Sottovoce). E nuie simme 'o diavolo tentatore!
Peggio!...
Statte buono! (Gli dà la mano).
A rivederci...
Maie cchiù cca!... (a Tore) Iammuncenne! (Escono, parlando).
Nun 'e' fatto a tiempo.
'E che?
Mo mo, è venuta 'a mamma 'e Tore, e tante ce n'ha ditto, ca l'ha fatto capace 'e se spusà a Matalena.
Neh?!... E c'aggia fa'?... A me che me ne 'mporta?...
Eppure...
Eppure, che?.. Nun me ne 'mporta niente!..
Nun ce credo...
Tu 'o dice apposta...
(Ride). Ah! Ah! Ah!
Tu ride?... Ma quanno poco fa 'e' saputo ca Tore se spusava a Matalena, 'e' fatto 'a faccia ianca...
Che carugnone!...
Te siente currivo?...
Embè, si!... È overo... 'O voglio ancora be- e me sento...
Pògnere d' 'a gelusia.
Però, Nannì, statte attienta... Tore ha ditto ca s'ha da vendicà... E chillo è n'ommo capace 'e tutto...
Statte attienta!... Chillo te ntacca 'a mpigna! (Ne fa l'atto).
A me?
No, a me...
Tu nun 'o ccride?...
E cu qua' deritto?
'A verità, io iesse ncoppa 'a Sezione, a parlà c''o cummissario.
Io?... Io a fa' 'a spia?!... No!... Maie e po' maie!... Tu 'o ssaie meglio 'e me ca 'e ffemmene comme a nuie se fanno accidere ciente vote, ca fa' na nfamità 'e chesta...
Allora te fa piacere? (Fa atto di chi vuole tagliare la guancia).
'O sfregio è segno d'ammore!
(A Nannina). E 'a bellezza toia?...
Vattenne, ca Tore nun fa niente... Mo penza a ati ccose.
Te sbaglie!... Tore s''a leva 'a preta 'a dint''a scarpa!
Ma pecchè, io nun tengo chi me difenne?... Vuie a don Gaitanino 'o canuscite, e sapite ca a ll'occasione se sape fa' valè... Basta, Rusè: statte bona... Si 'o vide, dincello ca me lassasse 'n santa pace, ca si no lle po venì male.
Ma tu sta sempe all'erta...
Vattenne, ca Tore nun fa niente...
Eh!... Statte cu sta capa...
E va buò... Po' vedimmo... Ve saluto.
Nannì, fatte vedè... Mo avimmo fatto pace.
(La bacia). Te'!... È fernuto tutte cosa... Gennarì, te saluto...
Addio!...
(Con disperazione, ansante per lunga corsa). Pe carità!... L'avite visto?.. Avite visto a Tore?...
Ched'è?.... Ch'è succiesso?...
Ah! Mamma d''o Carmene!...
Ma ch'è stato? Parlate!...
Nun me ne fido cchiù!... Me se chièieno 'e ggamme sotto... Mentre stevemo ienno a' casa 'e donna Cuncetta, nzieme cu Tore, e parlavemo tanto bello, avimmo scuntrato a don Gaitanino, 'o canteniere d''e Virgene...
(Premurosa) Be'?...
Appriesso...
E...?
Tore, appena ll'ha visto, ll'ha sputato 'n faccia..... È succiessa l'ira 'e Dio!... Strille.... mazzate... sanghe... Quanno l'hanno spartute, don Gaitanino, miezo muorto, l'hanno purtato a 'e Pellerine...
Dio! Dio!... (Si mette le mani nei capelli, e fa per andar via).
(La ferma). Addò vuò i', tu?... CHillo, Tore, si te vede, te fa 'a festa!
Tutto pe causa mia!...
E fattenne n'avantamento!...
Ll'e' vuluto tu!.. Nun te sapive sta' a' casa toia?
E Tore è ferito?...
No... Va fuienno...
(Che vede Maddalena). Matalè!... Ll''e' tuvato?
Ll'aggio perzo 'e vista...
Mamma d''e Ggrazie, aiutelo tu!...
Ma pe do' è fuiuto?...
E chi 'o ssape?... Hanno ditto 'a chesta parte...
Ah!... 'O vi' lloco!...
(Si avvicinano a Maddalena). È isso!... E isso!
Mamma d''o Carmene!... 'O secùteno ddoie guardie...
(A Nannina). Fuie! Fuitenne tu!
No!... Io 'o voglio vedè... Ll'aggia cercà perdono. È stata tutta pe colpa mia!...
Tu si' pazza?!... Vattenne!... Tore, int''arraggia, te po accidere!...
Meglio!... Lle vaso 'e mmane, si m''o fa!...
(Lo abbraccia). Ch''e' fatto?
Figlio mio!... (Tutti lo circondano).
(Col rasoio in mano). Lassateme, ca me secutano 'e gguardie!...
(Si avvicina a Tore e con passione). To'!... Perdòneme!...
(L'afferra per il petto). Ah Scellarata!... (La ferisce col rasoio sulla guancia).
Ah! Che m''e' fatto?!...
(Con spavento). Oh!...
(Confusione. Tore fugge. Tutti circondano Nannina).
Madonna mia, aiutalo tu!...
Ah! S'è perduto, e pe sempe!...
(A Nannina). Si' cuntenta, mo?
(Porta la mano insanguinata alla bocca e bacia il sangue della ferita). Io 'o perdono!... 'E ffacce belle se tagliano!... Mo Tore è tutto 'o mio!...
(Con fierezza). Madonna mia! Fammillo vedè muorto, ma nun 'n braccia a sta mala femmena!...
(Due guardie appariscono, irrompendo in mezzo alla folla, che cerca di trattenerle).