Lo Spassatiempo 1875 n.002 - 1875-03-14

by Luigi Chiurazzi

 EPUB   MOBI   PDF   RTF   TXT

Anno I. — Nummero 2

Costa UNO Sordo

Esce ogne Dommeneca

---

---

LO SPASSATIEMPO

---

---

VIERZE E PROSE

	FATTE
	Pe n’anno	L. 3,00
	Se mise	1,75
	No nummero scurzo	C. 20

NOVE E BECCHIE

DE LUIGI CHIURAZZI E D’AUTRE

---

L’associaziune se fanno a Napole, a lo Llario de le Pigne, mo, Chiazza Cavour 47.

Lettere, vaglie, manoscritte, tutte ntestate e affrancate a lo direttore L. Chiurazzi.

---

---

---

Napole 14 Marzo 1875 LO SPASSATIEMPO Mme chiammo Franceschella Primmavera,      Lo spasso porto pe li nnammorate;      Sto panariello mio è na bannera,      Lo porto sotto e allucco pe le strate:           Nuce, nocelle, ammennole,                Lo spassa tiempo, ohje, nè!                Semmente fave, cicere;                Chi vo lo spassatiè!                     Ohje, nì, tu che me vuo’?                Pignuole, guè, pignuò! STORIA DE NAPOLE SPALEFECATA A LO VASCIO PUOPOLO DA LUIGI CHIURAZZI NTRODUZIONE La parte meredionale de Talia che fenesce verzo lo Settentrione co lo Stato romano è attorniata de mare da tutte l’autre late, doppo cagnate cchiú nomme, finarmente se chiammaje Regno de Napole. Ma ogge assenno aunita sotto lo comanno de

Lo spasso mio è rrobba sempe fresca;      Pe non sapè arrobbare, dò lo ghiusto:      E guarda, gua’ che tene ccà Francesca,      Viene, nennillo, ca nce truove gusto.           Nuce, nocelle, ammennole,                Lo spassa tiempo, ohje, nè!                Semmente, fave, cicere;                Chi vo lo spassatiè!                     Ohje, nì, tu che me vuo’?                Pignuole, guè, pignuo! Va chià; non affonnà troppo la mano;      Lassame sto panaro da dereto……      Cchiù spasso vaje trovanno pe no rano?      Va buono mo! nennì, statte cojeto!           Nuce, nocelle, ammennole,                Lo spassa tiempo ohje, nè!                Semmente fave, cicere;                Chi vo lo spassatiè!                     Ohje, nì, tu che me vuo’?                Pignuole, guè, pignuò! E cionca ciò.. pecchè mme vuò fa male?      La può ferni! fatte no parmo arasso!      Ma pozzo fare, o no, lo speziale?      E bba, ca è stato troppo mo lo spasso!           Nuce, nocelle, ammennole,                Lo spassa tiempo ohje, nè!                Semmente, fave, cicere;                Chi vo lo spassatiè!                     Ohje, nì, tu che me vuo’?                Pignuole, guè, pignuò! Luigi Chiurazzi lo Rre de Talia vene chiammata Provincia napoletana. ⁠Lo Regno de Napole, che fuje chiammato purzì Sicilia citeriore, è luongo circa 400 miglia; e la cchiù grossa lariezza soja è cchiù de 120: mmesuranno attuorno attuorno so quase 1200 miglia. La Sicilia è n’isola fatta quase a tre pizze ed è laria 650 miglia, o perzò se po tenere co certezza ca chisto Regno è lo cchiù gruosso de tutte l’autre che apparteneno a la Talia, e la Sicilia è lo cchiú grosa isola de lo Mediterraneo. Essa è spartuta da lo continente da no piccolo stritto de mare che se chiamma Foro de Messina e che arriva circa no miglio e miezo la cchiù peccerella

---

---

N’abbraccio e no vaso a pezzechillo dammo a lo sio Luigi Carelli p’averece dato lo manoscritto de le ppoesie de lo zio sujo muorto, cav. Raffaele Sacco guappo mprovisatore napoletano. A LUIGI CHIURAZZI De la chitarra mia S’è dutto lo cordone, E tu de povesia Me sturzeche, Chiurà! Te preo, famme sta grazia Luì, lasseme sta! Io steva n’allegria, Cantava juorno e notte, E mo songo no chiochiaro Pe mmiezo a le marmotte. Chiurà, nce vo pacienzia; To preo, lasseme sta! Tu vaje scavanno stròppole Pe ncoppa a la chilarra, E dice: Sacco, ajutame! Ma Sacco cchiù no ngarra: È fatto no mammuocciolo, Che peggio no nce sta! (maje stampato)⁠Cav. Raffaele Sacco A LO SIO COSTANTINO ABBATECOLA Quattuordece Amico caro mio don Costantino, Te manno pe la Posta sto giornale, Co bierze e prose meje se po di chino, Pe sèntere da te se nc’è sta sale. Pensa, non so Capasso, Genoino, Dante, Vergilio, Tasso, Giovenale, Ma non so manco l’urdemo schiappino, Faccio le cose che non ce so male. D’ammice tu ne tiene no zeffunno, E pensa a farme tante associate Pe quanta gente sta po chisto munno. Nè te stracqua, pe mmè, de dà stoccate, Revota ad ogne casa nfì a lo funno; Ma fora me ne chiammo a le mmazzate! Luigi Chiurazzi za soja. Lo mare chiammato Mediterraneo seconno le parte piglia diverze nomme, ntra chiste, tre songo li cchiù caporiune. Se chiamma Adriateco chillo che passa verzo le coste de l’Oriente, de l’antica Adria cetà che nasceva vicino a la parte de la nova Venezia; Ionio chillo che passa pe la parte de lo miezejuorno, pe cierte puopole de la Grecia chiammate Ioni, li quale venetteno a chisto regno; e Tirreno chillo verzo l’Occidente, da la provincia chiammata Tirrenia ch’era l’antica Toscana. A l’urdemo do lo Tirreno vene la cetà de Napole. Primma de parlare de li popole che abitajeno chesta Cetà è buono de fa conoscere che a la vanna de ccá de lo Faro è spartuta ntra 15 provincie, la Sicilia ntra 7. Chelle de ccá de lo Faro accommezanno da la fernetuta de lo Stato romano nfì a la Sicilia se chiammano li tre Abruzze; duje de chiste se chiammano ulteriori e l’autro

A TE!.    Nenna, pe caretà,         Se spanteco pe te,         Co tanta sboria a mme         Non di sciollà    Dico la veretà,         Ah! no me fido cchiù…         Ammore mio, ma tu         Non dì sciollà.    Te muove o no a piatà?         Me vuo’ fa scevolì?         Non secotare a dì         Sempe sciollà.    Mannarme a fa squartà         Me piaciarria de cchiù,         Che sentere sto sciù,         E sto sciollà    Pe me capacetà         Dimme no si, no no:         Non te n’asci mperò         Co no sciollà! Giacomo Bugni LI CAPILLE DE GIESUMMINA SONETTO (*) La seta nn’è cchiù seta a sti capille,      Mesa a confrunto, ch’a bezzeffie tiene:      No cierro sulo già ne conta mille,      Che songhe de l’ammore mio lo bene! Ah! Giesummina mia, chiste trezzille      A sto core cresciute hanno le ppene,      Che ’ntorcigliate tanto acconciolille      Pe mme so pevo assaje de le ccatene! Io chisti lloco vorria avè vicino.      E ne vorria taglià senza dolore,      Tante, quante da farme no coscino! Llà ncoppa, da la parte de lo core      Me nce vorria addormire a suonno chino      P’averte nnanze e pe sonnarme ammore!!. (maje stampato)⁠Bar. Michele Zezza (*) Vì che robba saporita: sulo lo si Ciccio Petrarca poteva fa lo suoccio L. C. citeriore; la provincia de Napole, o chella chiammata Terra di Lavoro; la provineia de Baselicata, chella de Capitanata, la Terra de Bare, la Terra d’Otranto, lo Contado de Molise e le tre Calabrie doje de cheste so chiammano ulteriori e n’autra citeriore. Tutte sti nomme remmase a ste provincie so benute da signure, covierne e puopole che l’anno commannate. ⁠Sta deverzità de nomme, a le provincie de la Sicilia non se trova, ed ognuno piglia nomme de ogne Cetà prencejale: perzò se chiammano proviscie de Palermo, de Mesina, de Catania, de Siracusa, de Girgenti, de Caltanissetta e de Trapane. Tutte ste 22 provincie non fuieno sempe de lo stesso nummmero, ne avetteno la stessa grossezza ma è stato buono de farele sapere (a chi non le sape) azzò aveano l’accasione d’annommenarele quacche bota, so pote canoscere pe no priess’a poco la delferenza che passa co chelle doje; pe causa

---

---

COMPRIANNO

Guè, guè! che so sti striepete?
E tu non fa Menella,
Chi ntienne de fa ridere
A chisto, a chillo, o a chella?
E a tte, che so ste chiacchiere?
Va chia, non alluccà!…
Don Pè, se chiste parlano,
Non pozzo mprovisà!…
Embè, te miette a ridere?
Mme piglie pe guaglione?
Ebbiva lo sì Pruocolo…
Che bello lampione!
Te si pigliato collera?
Va là, va lla, vattè!
Facimmo pace; abbracciame;
Damme no vaso…. me!
Te scuoste?… e che segnifeca?
Crianza non è chesta!
Penzammo de spassarece,
Penzammo ch’ogge è festa,
Leva sto musso e mutria,
Ca è brutto a stà accossì;
Siente sto fatto, votate,
Ca è cosa da sentì:
– No juorno don Paturzio,
Marito a donna Grazia,
Diceve a Quinto Curzio:
Lo Munno è na disgrazia.
Lesto risponne Crozio:
Comme? Ne’è Fozio, Tizio,
Parcozio, Erozio, Plozio,
Che fanno sizio, sizio.
E senza avè judizio
Se pigliano ogne sfizio!
È sciorta! – allucca Muzio: –
So stato nfì a la Scozia
Nzieme co Orazio e Buzio;
Da llà jettemo a Gozia,

---

de li gruosse tiempe e li gran cagnamiento venute non s’è potuto canoscere co certezza addò secommenzavano e addò fernevano.

ORIGENE

D. Dimme na cosa; da che àve avuto l’origene Napole?
R. Pe quanto s’é potuto appurà, da tiempe arrete nfì a mo non s’è accapezzato maje na jota, pecchè de chille tiempe non se trova autro scritto che nc’è stata diverzità de puopole, e non se sape da dò sonco venute; e chiste veneno chiammate co lo nomme Aborigini, zoè nate a lo steso paese. Scartapellianno le notizie ncoppa a sta cetà, non potenno parlare de chille tiempe e de chille puopole, pocché non li canoscimmo, se pote tenere co certerza che li primme venute da cheste parte fosseno puopole partute da la Grecia ch’è a la parte

Pe ghì a trovare a Quinzio,
Nepote de Lucrezia;
Embè nce disse Cinzio
Venuto da la Svezia
Spezia, Elvezia, Rezia:
Lo Munno è na facezia!- spassarece,

Pe mene Oronzio e Buzio,
Maurizio Fazio e Quinzio,
Lucrezia, Crozio e Muzio,
Orazio, Nunzio e Cinzio,
Tizio, Caio e Sempronio
Panerazio e don Maurizio,
Tore e Franciscantonio
Li ttengo a lo servizio!
E dico: che a sto munno
Lo meglio e chillo llà,
Che quanto è lario e tunno,
Lo piglia comme va!
Nzomma, pe ve conchiudere,
Chi vò la contentezza,
Ntra li contraste e luotene
Ave da fa sciordezza.
E a tte ch’àje fatto sbrennere
Lo nomme tujo sto juorno,
Salute, pace e frisole;
Ma appiennete no cuorno,

⁠Chillo de vufera	⁠Ca si la mmidia
Gruosse e neanuto,	Vò rosecà,
Chino de nozzole,	Chisto mmostannele,
Stuorto e appuntuto.	La faje cecà!

Luigi Chiurazzi.

---

PIERDETIEMPO

Lo pierdotiempo de lo primmo nummero è Quatto e quatto fanno otto l’ave addevenato la signorina Ernestina Fava, nepote a cicero!

fon⁠a⁠sen

e⁠⁠⁠p

Lo primmo che l’addevina s’abbusca no libro Manuale de ballo, taliano francese e napoletano de Culiziani Zughi.

---

de l’Oriente. Chiste fujenno da la patria lloro NO stabbelettero justo alla vanna che guarla l’Oriente. Da chiste avetteno origene do venire autro gente, de deverze juine e aumentateso lo nummero addeventajeno puopole gruose e se covernavano seconno le leggo greche. Chiste o p’aurio de grannezza o pe autro ragione a la terra che stevano lloro le detteno lo nomme de Magna Grecia, e beramente fuje granne sta Greeia nova po struzione de covierno, je buone guerriere, lettere e bertu d’ogne manera, Zeleico e Caronda magestrate, Archita e Pitagora feluosecho detteno struzzione co lo supierchio a tutto lo puopolo. E manco scema fuje la Sicilia, abitata da ste gente: da llå nce venetteno Empedocle ed Archimede feJuoseche naturale: Tooeritoe Mosco poete co le ciappe, e autro ciento cho so canosciute da tutte le jarte,

(Secotea)

---

---

NOVA SMORFIA

NAPOLETANA - TALIANA

DE LUIGI CHIURAZZI

---

---

---

A
(Vide lo nummero 1)

Abbracciare	il padre la madre i figli i parenti	51 52 24 56
Abbracciatorio	Abbracciamento	40
Abbramma	Brama	19
Abbrancare cosa q.		47
Abbreo	Ebreo	43
Abbriéje	Ebrei	88
Abbrile	Aprile	4
Abbrocamiento	Affiocamento	21
Abbrocare	Affiocare	7
Abbaiare de cane	Affiocato	13
Abbronziare, cosa q.		85
Abbrostoliaturo	Tamburino	40
Abbrostolire, cosa q.	Abbrustolare	4
	mandorle	10
	caffè	3
	grano turco (granone)	85
	cacao	6
	agli	6
	ceci	89
	orzo	64
	fave	7
	castagne	63
	semenze	11
	pane	63
	nocciuole	24
	carne	50
Abbrunzo	Bronzo	29
Abbrusciare, cosa q.	Bruciare	85
	peli	16
	carte	86
	cadaveri	83
	gente viva	60
	lettere	63
	case	64
	caffè	1
	incenso	29
	legni nel mare	83
	boschi	56
	oro	64
	argento	24
	libri	13
	pece	33
	legna	8
	lana	35
	paglia	23

	panni	70
	pane	24
Abbruscuatura	Bruciatura	35
Abbrusciare	Bruciare, sentir bruciore	70
	⁠agli occhi	20
	⁠alle fauci	54
	⁠all'ano	47
	⁠alle mani	10
	⁠ai piedi	37
Abetiello, le,	Abitino, ni,	8
	⁠con effigie q.	82
	⁠ricamato	89
	⁠si benedice	80
Abeto, q.	Abito, ti,	11
	⁠di lusso	80
	⁠da uomo	62
	⁠da donne	50
	⁠da fanciulli	2
	⁠da lutto	73
	⁠da maschera	8
	⁠da teatro	73
	⁠di seta	55
	⁠rossi	42
	⁠bianchi	20
	⁠di colori diversi	22
	⁠ricamati	63
	⁠gallonati	90
	⁠da monaco	16
	⁠di pelle	43
	⁠militari	72
	⁠reali	88
	⁠da povero	84
	⁠da mago	77
	⁠da prete	43
	⁠ papali	9
	⁠ cardinalizi	7
	⁠da voto	42
	⁠da morto	73
	⁠ vescovili	4
	⁠laceri	43
	⁠sporchi	45
	⁠fiorati	88
	⁠da pontefice	60
	⁠da galeotto	44
	⁠da galeotto	46
	⁠da sposa	69
Abetante	Abitante, ti,	90

(Secotea)

---

Direttore resp. — Luigi Chiurazzi.

---

Stamparia de lo Progresso