L'Ombra
BIBLIOTECA TEATRALE GENNARELLI
Diretta da CARLO DE FLAVIIS
DIEGO PETRICCIONE
L'OMBRA
DRAMMA IN UN ATTO
NAPOLI
Casa Editrice italiana Cav. Emilio Gennarelli e C.
Monteoliveto, 39 e 40 - Telef. 30-60
1921
Proprietà riservata
PERSONAGGI
ROSA TARALLO
VICIENZO, suo marito
NUNZIATINA, loro figlia
ASSUNTULELLA
TERESA
’A CUMMARA GRAZIA
’A CUMMARA CARULINA
L’AVVOCATO
A Napoli — Oggi
LA SCENA: Una stanza che dà sulla via. L’uscio comune è in fondo, nel mezzo. Ai due lati: un canterano con una immagine della Vergine, innanzi alla quale arde una lampada, e una «consolle» con oggetti sopra. — Uscio che dà in altra stanza, a destra. — A sinistra un tavolino con sedie. Altra tavola a destra - Sedie di legno di mogano - Alle pareti qualche stampa in cornice di legno.
Rosa, Assuntulella, ’a cummara Grazia, Teresa ’a cummara Carulina.
Rosa — (è seduta presso la tavola a destra. Appoggia il viso alla mano destra. il braccio puntellato sulla tavola. È triste, assai triste.)
Assuntulella (le sta accanto, seduta innanzi a lei. Si curva verso Rosa, parlandole con simpatia, con grande interesse.) — Zia Rò… e nun ve mettite mpenziero. Certamente è stato assoluto… Nce sta pure Nunziatina che nc’è ghiuta. Si tardano, è pecchè, certo, sapite pe’ spiccia ’e ccarte… l’avvocato s’ha da movere… ’E furmalità so’ tante! E ne passa tiempo!…
Carulina (seduta al lato opposto della tavola di Rosa). — Dice buono ’a cummarella. Sicuro! E mo ca trase, niente commozione! Nun se sape maie… Fanno cchiù male ’e piacire ca ’e dulure.
Grazia — Brava a cummarella! (È seduta all’altro lato della scena, presso l’altro tavolino, accanto a Teresa) Chesto vo’ dicere essere femmena ’e munno. E io ne tengo l’esempio. Quanno ’a cummarella mia Cuncettella… Sapite, chella ca se spusaie a Totonno ’o guantaro… (Carolina, Assunta e Teresa assentiscono) Quanno chella pigliaie ’a quaterna ’e dudecemilia lire… n’ato ppoco lle veneva ’na cosa… M’’a vedette venì meno nnanze! Giesù! Che paura! Io trasette ca allora allora era asciuta ’a strazione… Cummà, me dicette, sapite che nummere songo asciute? — ’A vi’ ccà ’a strazione… (Volgendosi a Teresa) M’arricordo comme si fosse mo’, propeto mo’… (a tutti) 18. 37. 73. 82. 12 — A ogne nummero ca io diceva, ’a vedeva cagnà culore. Seh!… Che buo’ risponnere! Facette ’na mossa comme a dicere c’aveva pigliato, e mme cadette uno pisemo ’nterra.
Assunta — Cummà, chelle so’ mpressione troppo grosse!
Carulina — Piglià dudecemilia lire uno piezzo! ’A sotto! E se capisce! Chella cagnaie stato ’a nu mumento a n’ato! Tre milia ducate! Avess’io sta grazia!
Teresa — E pe’ cchesto una s’ha ddà sta accorta! (Ad Assunta) Assuntulè, guarda nu poco fora… Vide si veneno. (Addita Rosa) Lle dammo ’a nutizia nu poco ’a vota.
Assunta — (Si è recata sull’uscio. Guarda fuori nella via).
Rosa (lentamente staccando le parole) — So’ fforte… Niente paura! (Sulle pallide labbra ha uno scolorito sorriso)
Grazia (viene a sedersi al posto lasciato libero da Assunta) — Cummà, che saccio comme te veco! Uno ave chesta sciorta ’e suddisfazione! L’he’ visto ascì libero e franco, e te ne staie accussì?!.
Carulina (la tira pel braccio. — Piano) Zitta! Cummà, zitta! E vuie ll’arapite ’a chiaia. Chillo sempe figlio ll’era! Nu chiappo ’e mpiso, ma figlio! (Si è alzata ed è venuta avanti a Teresa) Fuie propeto ccà… (Mostra l’uscio) Che mpressione!
Teresa — Aizaie ’a mano ncuollo a mamma!
Carulina — Ma ’e mamme perdonano!
Teresa — Chella me fa venì ’na cosa int’a vocca ’o stommaco! Ma chillo… zì Vicienzo, nun vuleva… Povero frate!
Grazia (ad Assunta) Assuntulè, veneno?
Assunta — Gnernò… Nun cumparesceno ancora. (È sempre sull’uscio)
Grazia (alzandosi) — Mo’ ’e vaco a scuntrà io!… E subbeto torno… Porto io ’a nutizia… (a Rosa) Cummà premettete… (via)
Rosa — Cummà, facite.
Grazia — (s’avvia. Sull’uscio nel passare, ricordando che l’ucciso cadde là, alza le sottane, e guarda a terra, facendo un atto come per dire: Fu qui!… (Esce)
Rosa, Assunta, Carolina e Teresa.
Teresa (va, ora, presso Rosa) — Meh! damme retta, sora mia… Mò te porto na tazza ’e broro… Aiere nun magnaste manco ’na mullica ’e pane. E che vuò cadè ’ndebulezza? Nunziatina nun m’ha raccumannato ato primma ’ascì… Zi Terè, facitele piglià quaccosa… Meh! nun tenere ’a capa tosta!
Carolina — Cummà, siente ’a cummarella… nu surzo ’e brodo… me’!
Assunta — Iammo, cuntentatece.
Rosa (c. s.) — Ma si nun tengo genio… Tengo ’o stommaco nchiuso! Lassateme stà!
Carolina (come sovvenendosi) — Aspè… cummà… Tengo nu bello buglio ’e ciucculata ’int’’a sacca… (Mette una mano in tasca e ne cava un pezzo grosso di cioccolatta avvolta nella carta argentata) Si pozz’avè ’o piacere… (Svolge la carta. Rompe un pezzo di cioccolatta e lo porge a Rosa.)
Rosa (c.s.) — Grazie! Ma nun pozzo! Propeto nun pozzo! (Respinge con la sinistra il dono, allontanando la mano di Carolina)
Carolina (a Teresa e Assunta) — Allora, si vulite accettà vuie… ’A salute d’’a cummara! (Addenta il pezzo di cioccolatta, offrendone due parti alle due donne) Tenite.
Assunta (mangiando) — Cummà, grazie. È buono! Zi’ Rò, nu pezzullo (Le va vicino).
Rosa — Lasseme sta pure tu!…
Assunta (Facendo controscena con Carolina e Teresa) — Eh! nce vo’ pacienza. — Sempe accussì, da quanno accumminciaie ’a causa… sempe!
Carulina — Chi lle pò dicere niente! Chi lle pò dà tuorto! So’ ccose ca fanno fa ’e capille lanche primma ddo tiempo!
Rosa (raccoglie l’ultima frase) — E ll’aggio fatte!… Me s’o fatta ttutta janca! E darria ati vint’anne d”a vita mia pe mmo vedè ancora vivo vicino. Era ’nzisto?… S’accunciava! Tanta gente s’è accunciata! Io ll’aggio perdunato sempe! M’era figlio… E sulo chi è mamma mme pò cumpatì…
Assunta — Ma mò zi’ Ro’, s’ha dda fà ’a vuluntà ’e Dio!
Rosa — E ll’aggio fatta! Era destino suio… Ma io nun l’aggio maie maleditto… Maie! ’A maledizione mia l’avarria fatto male… (come risovvenendosi). Che morta nfama c’ha fatto!
Teresa — Penzate a isso ca torna doppo sette mise ’e carcere… a isso che ll’era pate e che… Si l’avisseve visto, comme s’è sciupato… s’è fatto che non se canosce cchiù!… Nun avite vuluto venì maie ’a causa… Si no avarrisseve avuto pietà… V’avesse fatto pietà!
Rosa — Nun aggio avuto ’o curaggio.
Teresa — Chillo Zi’ Vicienzo, v’ha vuluto sempe bene! Ve ne vò tanto!… ’O guaglione v’aveva minacciato, e isso nun nce vedette cchiù…
Carulina — E pò’ d’’o pruciesso è risultato! Comme ha parlato bello l’avvocato! E ’e giurate l’hanno assoluto.
Assunta — E nun arrivano ancora!… (Va all’uscio come prima.) Lasseme vedè!… (Guarda fuori attentamente). Me pare… Si!… So’ lloro!… È zi’ Vicienzo… Priesto ca v’aspettammo!… (Chiama col gesto gli attesi che adesso compariscono dal fondo.)
Nunziatina, Grazia, poi Vincenzo, L’Avvocato e dette.
Grazia — (entrando) Eccoce!.. Eccoce!… Veneno!… Veneno!… (A Rosa) Cummà, vienelo ’ncontro.
Nunziatina — (va presso la madre, sollecita, amorosa) Mammà.. viene… viene… Quanno ha visto a me sola, m’ha addimmannato: — E mammeta? E Rosa?… Io ll’aggio guardato… M’ha capito… Nun ha ditto manco meza parola… Viene mo’.. viene! (Le fa dolce violenza, aiutata in ciò da Grazia, allo scopo di indurla ad andare incontro a Vicienzo, il quale, in questo momento, compare nel vano dell’uscio).
Rosa — (Non si muove. Non risponde. Guarda sempre la porta fissamente. Fa un atto solo con la mano, come per indurre Nunziatina a tacere. Adesso Vicienzo è sull’uscio. Si è fermato sulla soglia. Guarda ed attende).
Vicienzo — È stanco. È emozionato. Guarda Rosa, in attesa che ella gli vada incontro. Un silenzio grande regna. I due esseri si guardano, si fissano. Egli manifesta il desiderio, con tutta la persona protesa in avanti, che la moglie vada da lui, che gli dia il benvenuto. Il riserbo di lei, evidentemente lo fa soffrire molto. Tutti adesso sono perplessi, nè osano dire una sola parola. L’imbarazzo è generale. Soltanto Nunziatina si fa animo e tocca la spalla della madre, che si scuote.)
Nunziatina — Mammà!… (Come ad incitarla ad andare da Vicienzo) E và! (La prega con lo sguardo, con la persona tutta protesa verso di lei.)
Assunta — Zì Rò… (dall’altro lato, avvicinandosele insieme con Teresa)
Teresa — Zì Rò… embè!..
Rosa — (si alza. Comprende che deve andare. Procede come un automa verso il manto. Tutti gli altri gono ai due lati seguendo la scena, in modo da lasciar ben distinte isolate le due figure principali. Ella istintivamente, a breve distanza dall’uomo, guarda la destra di Vicienzo, che egli ha portato in avanti naturalmente come per attrarla a sè, e fa un atto di raccapriccio. Tutti sono perplessi.).
Nunziatina (che è alle spalle, di lato). — Mammà… mammà… ched’è? Che te siente?
Vicienzo (commosso) — Ro’… Ro’… So’ io! (È sempre sull’uscio).
Nunziatina — Papà… assiettete… viene ccà… Staie tremmanno… assettate.
Carolina — Cumpà, ’o benvenuto! E ca felicità turnasse ’inta casa toia…
Vicienzo — Grazie, cummà… (Entra siede).
Assunta (con tenerezza a lui, alle sue spalle) — Zi’ Viciè… sentite… vulisseve quaccosa?… Avimmo fatto ’o ccafè… (Teresa è presso Rosa, con Nunziatina, mentre Grazia parla con l’avvocato che è restato in fondo).
Vicienzo — No… grazie, Assuntulè… (Guarda la moglie aspettando qualche parola da lei.)
Rosa (si tiene lontana sempre da lui, fissando intensamente e come atterrita la destra di lui).
Nunziatina (che è ora presso Rosa) — Mammà, che guarde?
Rosa — Niente… mente… (Poi quasi parlando a sè stessa, con occhi di terrore) Chella mano! Chella…
Nunziatina (per dissipare il turbamento generale, imprende a raccontare.) — Avimmo tardato… pecche chelle benedette carte nun arrivavano a venì… Ma l’avvocato… (Mostra l avvocato che sorride) …tanto ha fatto, che l’ha fatto ascì… Bravo! Bravo overamente!… (All’avvocato) Ve simmo obbligate assaie… avite fatto miracule…
Vicienzo —Sì… sì… ’a ricanuscenza mia è assaie… è grossa assaie!…
Avvocato — Caro Vicienzo, non ho fatto che l’obbligo mio… È giustizia!
Rosa (sollevando il capo) — Giustizia?! E nce ne sta?!
Nunziatina (le tocca la spalla) — Mammà?… N’ata vota? Ched’è?… (Con dolcezza).
Avvocato — La causa non era facile. Ma io… (A Vicienzo) t’ho difeso con tutta l’anima. Difendevo non un cliente ma un vecchio amico, un affezionato della mia famiglia. Alla fine eri padre… Avevi il diritto!
Rosa (scattando) — No!…
Avvocato (sorpreso) — Come?
Nunziatina — Mammà!…
Assunta — Zi’ Viciè… chella nun penza… che a isso… (Gli è da presso e gli parla a mezza Voce.) ’O chiagne sempe… Nun se pò da pace! Aggiate pacienza..
Teresa — Zi’ Viciè! (Fa segno che deve rassegnarsi a tollerarla).
Vivienzo (ha guardato Rosa. Tentenna il capo… Poi osservando le tristi conseguenze del dolore su quella madre che si è incanutita innanzi tempo). — Comme s’è sciupata!… Comme s è fatta janca!…
Avvocato — Be’… io vado via…
Carulina — ’O Signore ve pozza mannà tanto bene!
Nunziatina — Nuie ve simmo grate assaie…
Assunta — Puzzate aunnà comme aonna ’a messa!
Grazia — Beneditto, signore mio, beneditto! Ah!… Ve l’aggia dicere… M’avite cunzulato… Ogne parola vosta era nu cunfietto!… Che sciure v’ascevano ’a vocca!… Signor Prisidente… (imitando l’avvocato) Signure giurate… chillo era disamurato… scanuscente.. un disutile… (all’avvocato) ’A parola mm’arricordo! E mancava ’e rispetto a ’e genitore.
Nunziatina — Cummà… (Le mostra Rosa, che nasconde il viso fra le mani e piange e soffre)
Grazia — Uh… cummarè… scusate!… Ma chillo l’avvucato ha parlato accussì bello ca io me ne so ghiuta ’e capa!
Avvocato— Grazie. (A Vicienzo). Caro Vicienzo, tu lo sai che ti voglio bene… sii buono con lei… (addita Rosa) anche se… Tu capisci… Buongiorno a tutti.
Carulina — Me n’esco cu vuie… (A Rosa) Cummà… che t’aggia dicere?… Curaggio!… (A Vicienzo) Cumpà, bona jurnata e salute!.. (A Teresa e alle altre) Buongiorno… e senza cumplimente… (All’avvocato) Jammo signò… (Via con l’avvocato)
Rosa, Vicienzo, Teresa, Grazia, Nunziatina e Asssunta.
Grazia (discende la scena. A Nunziatina e Teresa) — Buon’ommo overo chill’avvucato… (A Vicienzo) Ah! avite avuto proprio ’a fortuna d’attuppà.. Manco nu frate!… E mo me ne vaco pur’i’.. (S’avvia)
Teresa (a Grazia) — Aspe, cummà, me ne vengo pur’io.. Zi’ Viciè, m’arraccumanno,… (Lo bacia — poi va da Rosa) Zi’ Ro’… Assuntulella resta lloco…
Grazia — Cummà Rò… Haie ragione!… Ma s’ha dda fa ’a vuluntà ’e Dio!… Sulo ’a morte nun ce sta remmedio… (Porta una mano sulle labbra). Uh. scusate, m’è scappata!… Stateve bene…
Teresa (va da Teresa. La bacia e via con Grazia).
Nunziatina (a Rosa) — Meh!… mammarella mia… pigliate na tazza e brodo… staie diuna a aiere…
Assunta (s’accosta a Vicienzo con dolcezza) — Zi Viciè… vulite nu poco ’e brodo almeno vuie?
Vicienzo — Grazie… no!… (La scosta dolcemente con la mano) Lassece sule, vattenne tu e Nunziatina…
Nunziatina — (c.s.) Mammà!… Mammarella mia! Nun sta accussi!..
Rosa (non risponde. Ha lanciato ancora di sfuggita delle occhiate dalla parte di Vicienzo, con terrore. Ogni volta che egli ha mosso la destra ella ha fatto un atto di raccapriccio.)
Nunziatina — (fa un atto di sconforto. Va da Vicienzo) Papà… io nun saccio che dicere… Tu ’a vide… nun se pò da’ pace.
Vicienzo (tentenna il capo) — ’o vveco!
Nunziatina — Pienze ca io surtanto a vuie duie mo’ tengo… Vuie nun tenite ca a me… penzate a me!.. (Gli bacia la mano. È commossa) Signò, miettece ’a mano toia! (Esce con Assunta)
Rosa e Vicienzo — poi Assunta e Nunziatina
Vicienzo — (guarda lungamente Rosa. È indeciso se avvicinarsele. Alla fine si decide. Piano, come se avesse paura di lei, le si approssima.)
Rosa (è immota, con gli occhi sbarrati. — Lontano innanzi a sè, guarda, come seguendo una visione. Nota l’avvicinarsi di lui, le si rizza sulla persona, senza volgersi dalla sua parte).
Vicienzo (ora le è vicino, a breve distanza, e le porla pianamente: ) — Ro’… Siente… guardame… avuotete!…
Rosa (senza guardarlo) — Che vuo’?
Vicienzo — E chesto me dice doppo sette mise ca nun nce se simmo viste!… S’è fatta ’a causa e nun si’ venuta… Nemmeno ogge si’ venuta! So’ trasuto e nun mme si’ venuta incontro (La guarda con amore profondo) Te si’ fatta tutta janca! Comme te si ’fatta janca! Comme si’ arredotta, te si sciupata!
Rosa — ’A matina doppo!… (Senza voltarsi: lenta. Nel viso manifesta tutta l’angoscia della grande ora di dolore che passò sulla sua casa.)
- (Un silenzio. Egli la guarda ancora. Trema. Ha paura di dirle tutto il suo dolore.)
Vicienzo (esitando) — Ah!… te faccio ribrezzo… Tu nun mme può suffrì cchiù!
Rosa — (c.s.) No! Ma statte luntano… Si mme vuò bene, statte luntano. (Con preghiera nusia a paura) Nun è ribbrezzo… nun è paura. Nun saccio ched’è… Ma nce sta ’na cosa fra nuie ca ce tene luntano… ca m’ha fatto tremmà e nun m’ha fatto venì a pigliarte… (Con spavento) È isso!… sarrà isso!
Vicienzo (con voce soffocata, tremante) — Isso! Haie ragione! È isso!
Rosa (guarda sempre innanzi a sè, senza voltarsi verso di lui) — Tu staie ccà.. addo’ isso cadette… E ssi’ passato ncoppa a chelli riggiole, addò ’o sango suio facette ’na macchia grossa… (Con spavento e raccapriccio)…e ssi’ passato ’ncuollo a isso, ncopp’’a chella macchia!…’O sango suio!.. (Inorridita s’alza, si volge e guarda verse la porta) Llà.. llà’..E t’aggio visto trasì.. e io… (Guarda Vicienzo — Lo sguardo di lei si posa sulla destra di lui. Inorridisce.) Chella mano!… Annascunne chella mano!.. ’Ncoppa ’a essa nce sta tanto sango! Sì trasuto, aggio guardato… Chella macchia se faceva cchiù grossa… e ’a mano toia s’era fatta rossa!… Annascunne chella mano! Annascunne chella mano!.. Tu staie ccà, e figliemo cade n’ata vota dint e bracce meie… ’o sento cadè… ’o mantengo… s’abbandona… È ’o sango suio mme nfonne ’e mmane… E isso me chiamma: Mamma mia!… Mamma mia!… aiuto!… ’O vi llà… llà!… (Guarda con occhi da folle il posto, l’addita) Llà ’nterra!.. Quantu sango!… È ’o suio!… è ’o suio!… Figlio mio!… figlio mio!… (Nella voce ha tutta la disperazione materna, nella invocazioni al figlio ucciso).
Vicienzo — Tu m’accide! Tu m’accide!
Rosa! (disperata) Nun c’è rimmedio!… Nun c’è rimmedio!
Vicienzo — ’O vularria truvà stu remmedio, e nun pozzo!… E nun se pò truvà… Fuie ’na disgrazia! Isso t’aveva afferrata pe nganna… E io ce ll’aveva ditto:— Sta femmena, mammeta, è stata ’a gioia… è ’a gioa d’’a vita mia… io ll’aggio adurata ’e penziere… Guai a chi ’a tocca… Guaie! E chillo aveva già aizato n’ata vota a mano… e io chillo vraccio nce ll’aveva fatto cadè, quase spezzannolo!… E io ’o vuleva bene… e tu te sacrificave… T’aveva luvato tutto isso!… E io ’o vvedeva… e nun diceva niente!… Te vuleva cchiù bene… e avarria vasato a terra addò mettive e piede… Ll’aveva ditto: — vattenne!… partetenne!… Nun le mancà ’e rispetto!… E isso t’aveva fatto vennere fino ’aniello e quanno spusaiemo… E vuleva ’a te chillo lazzetiello d’oro, ca tu ’o tenive chiù caro d’a vita… chilllu lazzetiello ca t’arricurdava ’o juorno ca isso era nato… Pure chillo vuleva! E tu chiagnive… e lle dicive: — Giuvannì… no… Giuvannì… no!.. — E isso amminacciava… E io lle dicette: — Vattenne!… Iesce!… Lassa sta a mammeta! — Allora… isso stennette ’e mmane pe’ to luvà pe fforza… E ’o lazzetto nun veneva… E isso stregneva… Chelli mmane te stèveno affucanno… Allora me menaie pe te difennere. Isso me dette ncuollo. Nun nce vedette cchiù… Sparaie… sparaie… (È convulso).
Rosa (con un grido di disperazione) — Ah!… Nce li avesse dato chillo lazzetto!
Vicienzo — E chella macchia ’e sanghe ca tu vide ccà… (Mostra la mano)… io ma veco pe’ ’ncuollo… pe’ tutta ’a persona… e mma voglio levà… e nun pozzo… e nun riesco… E lle cerco perdono!… Perdono ca l’aggio acciso!… Nun vulevo!… Nun vulevo!… (Dal fondo sono entrate, dall uscio di destra Nunziatina e Assunta. Ascoltano silenziosamente, commosse.)
Rosa — Nun putive vulè!…
Vicienzo — Accussì nun pozzo campà cchiù… Haie raggione!… Nun mme può perdunà!…
Rosa — (piange, singulta dolorosamente, ma non s’avvicina a lui).
Vicienzo — Nun nce sta pietà pe‘ mme! Nun nce sta pietà… (S’alza) Me ne vaco… Tutto nce sparte… Isso nce sparte!… Nce sparte, pe’ sempe!… Me ne vaco… (va verso l’uscio, disperatamente, deciso ad andarsene — Ma un ultimo filo di speranza lo trattiene. Si arresta nell’istante di varcare la soglia.)
Nunziatina (si fa avanti. inginocchiandosi presso Rosa) — Mammà, perduone!… Mammà… perduone!…
Rosa — (Lascia cadere il braccio destro lungo la persona. Un lieve cenno della mano indica che ella acconsente).
Nunziatina — Papà… (Lo chiama col gesto…) Papà… (E’ commossa. Le lacrime le rigano il volto.)
Vicienzo — Ah!… (Ridiscende la scena. Corre a Rosa. Le si inginocchia vicino.— Ardisce prenderle la mano.) Rosa mia… (Singulta nella gran commozione, che lo avvince.) Rosa mia…
Nunziatina — (Adesso è presso Assuntulella. Le due giovanette si stringono l’una all’altra, e formano gruppo. — Quadro).
Cala la tela lentamente.