Canzone e Ariette nove/Canzone nove/È stata Viulante!

'A Wikisource.
Vai alla navigazione Vai alla ricerca

Modello:Conteggio pagine

È stata Viulante!

../Ce sta na cosa... ../Ncop' 'o palcuscenico 'e l'Eden IncludiIntestazione 6 novembre 2013 100% Letteratura

Modello:QualitàModello:IncludiIntestazione

[p. 29 càgna]



È stata Viulante!…



Figliola, ca staie ncopp’a stu barcone,
     giacché mm’’è visto e famme na finezza:
     mìneme stu carofeno schiavone,
     ca io mme l’appizzo mpietto pe bellezza.
     E a chi mme dice: «Oi ni’, chi ve l’ha dato?»
     Dico: «E chi ’o ssape? E me l’aggio abbuscato…»
          E mme l’aggio abbuscato — ’a na bella figliola
          ca mm’ha fatto fa ciento giuramente,
                         ca si mme scappa
                    na parola sola,
                              ’a perdo
                              eternamente…

                         (Ma si tu mme tradisce,
                              ’o dico a tuttuquante
               stu nomme ca pe mo saccio sul’io…
                              — È stata Viulante!…
                                   Ah!
                              Viulante, Viulante!
                              Core ’e stu core mio!..).

[p. 30 càgna]


Anze mo abbàre a te, bella figliola,
     c’aggio saputo quanto si’ crudele!
     Ca sincera nun si’ pe n’ora sola!
     Ca pe mez’ora sola si’ fedele…
     Mme l’hanno ditto e mme l’hanno avvisato
     tutte ll’amice e tutt’’o vicenato.
          E a tutto ’o vicenato — aggio ditto ’a buscia…
          E siente che buscia c’aggio ammentata:
                    «Gnernonzignore!
               ’A nnammurata mia,
                         no, nun è chella,
                              è n’ata….»

                         (Ma si tu mme tradisce
                                   ’o dico a tuttuquante
               stu nomme ca pe mo saccio sul’io…
                                   — È stata Viulante!…
                                             Ah!
                                   Viulante, Viulante!
                                   Core ’e stu core mio!..).

This page was moved from. It's edit history can be viewed at Canzone e Ariette nove/Canzone nove/È stata Viulante!/edithistory