È stata Viulaute!…
Figliola, ca staie ncopp’a stu barcone,
giacché mm’’è visto e famme na finezza:
mìneme stu carofeno schiavone,
ca io mme l’appizzo mpietto pe bellezza.
E a chi mme dice: «Oi ni’, chi ve l’ha dato?»
Dico: «E chi ’o ssape? E me l’aggio abbuscato…»
E mme l’aggio abbuscato — ’a na bella figliola
ca mm’ha fatto fa ciento giuramente,
ca si mme scappa
na parola sola,
’a perdo
eternamente…
(Ma si tu mme tradisce,
’o dico a tuttuquante
stu nomme ca pe mo saccio sul’io…
— È stata Viulante!…
Ah!
Viulante, Viulante!
Core ’e stu core mio!..).
