Canzone e Ariette nove/Canzone nove/Ce sta na cosa...

'A Wikisource.
 EPUB   MOBI   PDF   RTF   TXT
 

[p. 27 càgna]



Ce sta na cosa…



Ce sta na cosa
     c’abbruscia, ca coce,
     ca quanno s’appiccia
     4fa luce, fa luce.....
E ’o masterascio,
     ca nziemm’a ’o ferrare,
     ca nziemm’a ’o furnaro,
     8ca nziemme c’’o cuoco,
     ll’annommena 'o ffuoco,
     na cosa cchiù llustra,
     cchiù ardita e cucente,
     12nun sape e nun sente…
     Va trova pecché!…
     Pecchè — nun te sape!
          Teresa!
          16Terè!..

[p. 28 càgna]


Ce sta na vocca
     ca pare na rosa,
     ca è nata p’’e vase,
     20ca è ddoce e azzeccosa!
E se sta zitta
     cu mme puveriello…
     Sta vocca ’e pupata,
     24ca pare n’aniello!
Terè! Si’ crudela!
     Io so na palomma,
     ma tu na cannela
     28mme pare cu mme!..
     Me chiamme — e mm’abbrusce.
          Teresa!
          Teré!..

This page was moved from . It's edit history can be viewed at Chiàcchiera:Canzone e Ariette nove/Canzone nove/Ce sta na cosa...