Chesta paggena è stata leggiuta du' vote e mo è fernuta.
441
atto unico
Concetta
(decisa)
No, Rafè! Basta mo! (gli porta via il bicchiere e lo va a porre sul comò — Di là si volta e contempla il marito, e scuote il capo dall’alto in basso).
Raffaele
(sempre nervoso e irrequieto)
Sa pecché?... M’ha fatto vevere ’a marzala... E mme so’ tuccata ’a nervatura...
Concetta
(tornando)
Ma chi?
Raffaele
’O giuvinotto... Ll’autore.
Concetta
(spiaciuta, a mani giunte)
E tu ncopp’ ’a marzala te vive pure ’o vino?!...
(Leva il fiasco di su la tavola e lo va a mettere sul comò).
Raffaele
(irritato, smanioso, prorompendo)
Io mme vevo ’o vino... Pecche tutte sti bbestialità, tutte sti schifezze, sti mmodernità ca chisto ha miso ccà dinto mm’attaccheno ’e nierve! Mme fanno disgusto! (sbatte la mano sul copione).
