Michele
(tenero, affettuoso)
E pure n’ata cosa... Ched’è, nun te ricuorde?... ’O ritratto tuio... (Mette la mano in petto e cava una fotografia. La mostra a lei, poi la guarda, con occhi di gioia) Assuntulella! ’A vedite ccà!... (Afferra la mano di Assunta, accarezza lei che si commove, guardandolo. Si mesce vino e beve). E po’ pecché nun si’ benuta cchiù?
Assunta
Chi? Io?...
Michele
E chi? Io?...
Assunta
Pecché nun so’ benuta cchiù?... E ’o permesso?... Nnu mme l’hanno vuluto dà cchiù...
Michele
(mangiando)
Nce ’o pputive di’ a don Federico... Già, chillo mo tene ato p’ ’a capa, pur’isso... (Assunta presta attenzione. È palpitante. Michele si rimesce vino e beve, si asciuga il labbro alla tovaglia e resta col bicchiere in mano) T’ ’ha ditto, ca se ne va ’a Napule?
Assunta
(con un filo di voce)
Chi?
