Paggena:Teatro - Salvatore di Giacomo.djvu/394

'A Wikisource.
Vai alla navigazione Vai alla ricerca
Chesta paggena è stata leggiuta du' vote e mo è fernuta.
388
assunta spina


Michele

’On Federico. (mangiando) È muorto ’o pate d’ ’a mugliera... Nun t’ ’ha ditto?

Assunta

(balbettando)

’A mugliera?!...

Michele

’A tene a Cusenza. Steva nziemme c’ ’o pate ch’è muor... (vede che Assunta quasi manca) Assù?... (posa il bicchiere, spaventato) Ch’è stato?...

Assunta

(con un fil di voce)

Mme vota ’a capa... (piega le braccia sulla tavola e nasconde sulle braccia il volto).

Michele

(si leva, le si appresa, la scuote, la carezza)

Assú!?... Assú!... (gira intorno lo sguardo come per chiedere aiuto) Ma che te siente?... (s’avvia in fretta alla vetrata) Aspetta... mo arapo nu poco...

Assunta

(risollevando il capo mentre Michele è già presso la vetrata)

No!...