Assunta
Tire ’o teraturo...
Michele
(apre il fodero della tavola, e cava una forchetta, cerca ancora nel fodero e ne cava un coltello corto)
Gue’!.. (ridendo di compiacenza) ’O curtiello mio!... (prende il pane e lo affetta con quel coltello. Guarda il coltello) E chisto manco niente se ricorda!... Se ricorda quanno arapette ’a chianca abbascio ’a Sanità!... Mange!... Vive!... (si mesce vino e ne mesce a Assunta) I’ tengo na sete ’e morte!... (beve d’un fiato) ’A quanto tiempo nun vevo vino!... (mangiando) Quanno è stata ll’urdema vota ca mme si’ bbenuta a truvà? Vedimmo si t’ ’o ricuorde...
Assunta
A che bbaie penzanno...
Michele
È stato nu mese fa... ’E vintiquatto ’e nuvembre... Nu miercurì... E te ricuorde che mme purtaste?
Assunta
(guardandolo, lenta, distratta)
’E sicarre...
