Il facchino – O mme date quatto lire e tre sacicce, o… ’a jetto[1] a mare!
Il signore del baule (esasperato) – Saghe! Saghe! Pigliatelle pure tuttu quante! Jh che cammurrista! (Escono).
Musica
(Entra Colantonio, con la moglie Gesummina[2] ed i due piccoli figli Filumenella e Mincuccio[3]. Sono contadini lucani. Emigrano. Colantonio è un uomo giovane, dal volto affilato; è vestito di panno bigio, ed ha un cappello di feltro a larghe tese, che gli conferisce un’aria di distinzione. Gesummina porta il vestito da festa, a vivaci colori. Lasciano cadere le loro robe, sulle quali la donna e i bambini seggono).
Pascale (dà la «voce») – «Ccà sta Pascale d’’o stocco! Na bbona marenna!»[4].
Colantonio (in piedi, appoggiato alla vanga ed alla zappa, legate insieme;)
E io lasso ’a casa mia, lasso ’o paese,
e me ne vaco ’America a zappare.
Pe’ Fa’ furtuna parto, e sto nu mese
senza vede’ cchiù terra: cielo e mare.
E lasso a casa mia, l’Italia bella,
pe’ ghi luntano assaie, ’n terra straniera.
E sotto a n’atu cielo e n’ata stella
trasporto li guagliuni e la mugliera.
E là accummencia[5] la malincunia
penzanno a la campagna addo’ so’ nato;
a chella vecchia santa ’e mamma mia,
e a tutt’ ’e ccose care d’ ’o passato.
E ghiennemenne[6] cu ’a speranza ’n core[7]
ca vene ’o juorno che aggi’a[8] riturna’,
saglio cchiù allero a buordo a lu vapore.
Ogge si parto è pe’ necessità!
Ma io lasso ’a casa mia, lasso ’o paese…
Spezza la musica
Pascale (dà la «voce») – «Na bbona marenna!» (Verso i bambini) Pss… Pss… (E mostra loro, furtivamente, la sua merce, con un sorriso invitante.)
