Chesta paggena è stata leggiuta.
- 29
Hanno purtato a Tore 'a Vecaria...
Ma che fracasso neh! Ma c'ammuina!
E chella sbenturata 'a siè - Maria,
'a mamma! Che sparpetuo! C'arruina!...
Tutto pecchè, cummara bella mia?!
Pe chella cavallona ²) 'e Mariannina!
'O lassa pe nu sbirro 'e pulezzia!...
L'aggio saputo proprio stammatina!
Tore, lle prore 'o naso... 'Un s"o ttenette... ³)
L'appusatiaie vicino 'a Porta 'e Massa ⁴),
e lle sunaie tre botte sott"o core...
Doppo, quann"o mettetteno 'e mmanette,
jeva cantanno: «Ammore, e che se passa!
Comme te voglio amà! Bella 'e Totore!...»
