Chesta paggena è stata leggiuta.
30
—Dicimmela comm'è! Donna Maria
è bona canusciuta, int"o quartiere!
Sempe ha avuto che fa' e"a pulezzia,
e chesto 'o ssano, rinto 'e Ventagliere!...
Chello c'ha fatto mmiez'a chella via!...
V"o ppo' cuntà don Ciccio 'o cafettiere...
Mmasciate, appuntamente... Uh mamma mia!
S'accummenciaieno a fa'... mali penziere!
Sberressa 'e primma fila! A poco a poco,
ogge ch chisto, n'auto juorno n'ato,
'a vesta, 'o muccaturo ²), 'e stivalette...
C'avisseve penzato?... Eccoce lloco!
Perciò s'appiccecaie c' 'o nnammurato,
ca 'o juorno appriesso Fungio l'accerette ³).
