Paggena:Poesie napoletane - Ferdinando Russo.djvu/30

'A Wikisource.
Chesta paggena è stata leggiuta.

28

SUNETTIATA



'A PASSIONE


Màlia ¹) s'è mmisa cu nu mammamia ²),
nce sta perdenno salute e denare...
E fosse niente si n"a vattarria!
ma chillo 'a vatte, m'ha ritto 'o cumpare.

Dice c'a fa murì! Meglio sarria!
Io, si foss'essa, me jettasse a mmare!
Cierte sservizie nun 'e suffrarria...
Chillo 'a mbriaca 'e paccarune ³) amare!

Cierti ffreselle ⁴), 'a sera, quanno vene,
dint' 'o vico, cantanno e traballanno,
mbriaco 'e scisto ⁵), 'e rummo 'e d'anisette!

E pure chella scema lle vo' bbene!...
E che crerite ca se va lagnanno?
'E schiaffe 'e ttrova meglie d"e cunfiette.