Chesta paggena è stata leggiuta.
- 25
—Apprezzatela vuie, siè Nunzià!...
—Cummà! Che ssaccio!... Io nun me ne rendenno!... ¹)
Cinquanta lire? —No! —Me' ²), me', cummà,
jate ricenno, me', jate ricenno!...
—No cummarè!... L'avite anduvinà
vuie... —«Rusella!» — «Oi mà ³), me sto vestenno!»
—«Quanno po"e fatto vienetenne ccà!»
Ricite cummarè!... —...Nu me ne ndenno!...
—Aggio spiso... aggio spiso... Anduvinate!?...
—Ciente lire? —Gnernò!... —Duiciento lire?...
—Gnernò! —Treciento? —Manco! —E che bonora!
—Cummà!... Ma comme... Vuie nce pazziate!
Chesta bella mantiglia 'e casemire...!
Ricite!... Jammo!... E nce penzate ancora!...
