Chesta paggena è stata leggiuta.
26
—Sa' che vuò fa, Nannì? Me so' seccata...
Che nce appurammo, a pazzià a ssignore?
—Uh! Matalena nosta mmiez' 'a strata!...
Nuie parlàvemo e chella è sciuta ¹) fore!...
—Valla a piglià!... Maronna Mmaculata!...
Si chella cade?... Mataléeee... I' mo more!...
'A carrozza!... Va 'a piglia! 'Sta sfurcata!
Lassa venì a mammeta!... Te prore,
ovè oinì?... Va scôla!... I' quant'è brutto!...
Mo' me facive male 'a piccerella!...
Comm'è! Me guarde?... E nun te ne vuò ji'?
Viene a sosòra ²) Puozze murì strutto!...
Viene nennè!... Nun fa 'o pulicenella!...
Chiappillo 'e mpiso! ³) Quanno 'a vuò fernì?!
