Chesta paggena è stata leggiuta du' vote e mo è fernuta.
24
SUNETTIATA
— Io fosse na signora mmaretata…
Vulimmo pazzià?… Sì?… Viene, vie’!
— No, vattenne Nannì, ca sto seccata…!
— Me’, pazziammo!… Io fosse mamma a tte…
Va chiamma a Luvisella e a Nunziata…
Uh mamma mia che caudo, cummarè!…
Nun se po’ dà nu passo!… Sto spugnata!…
Guardate comme scorro!… Maramè!
— Guè, Luvisè!… Tu fusse ’a cummarella!…
Chesta m’è figlia a me… Povera figlia,
sta una zuppa!… ¹) Va te cagna ²), va!…
— Da do’ venite?… Uh povera nennella!…
— Da Miccio… Aggio accattata sta mantiglia.
— È bella overo!… Quanto custarrà?…
