Chesta paggena è stata leggiuta.
- 23
- Da Olindo Guerrini.
'Ncielo, nu cielo ca te fa spaviento,
e dint' 'o core, che malincunia!
Comme sciocca ¹) sta neva, senza viento!
Sciocca e fernesce, lota, mmiez' 'a via.
C'appietto ²) 'e core, ca pe tte me sento!
C'appressione int'a st'anema mia...
Che ffrido 'e morte! Che brutto mumento...
Me pare ll'urdem'ora 'e ll'agunia!
E va murenno 'o juorno. E a tuttuquante
manna na stesa 'e voce, appucundruta ³),
ca pare l'eco 'e cientumilia chiante...
E more l'anno. E doppo n'anno sano,
st'ammore nuosto, de mala saluta
pur isso è muorto... È muorto chiano chiano...
