Chesta paggena è stata leggiuta.
117
poemetti del cuore
PRIMMA MATINA...
Ncopp' 'o murillo tremmano,
ancora tutte nfose,
p’ 'o ventariello, 'e rrose
ca 'o sole va a ndurà;
songo passate ’e nnuvole,
‘o cielo è cchiù celeste...
S' aràpeno 'e ffeneste
e schiara juorno già!
Stanotte, quanta smànie
mmiezo a stu lietto 'e spine!
E ncopp' a sti cuscine
che spàseme, pe tte!
L' uocchie abbruciate 'e lacreme,
(core, si tu 'e vedive!)
cercavano... E tu stive
tanto luntana 'a me!
