Ermelinda.
Sì:.
Adolfo.
E tu vaie cu lloro?
Ermelinda.
Io pe nun nce ’j aggio ditto che teneva l'emicrania!
Rafele.
(apparisce dal fondo e resta non visto in osservazione)
Adolfo.
Grazie, grazie, Ermelinda mia! (le bacia con effusione la mano).
Ermelinda.
Statte cujeto.. Pò asci Sasà ’a nu mumento 'a n'ato... Chella è 'a cammera soia... (indica a sinistra)
Adolfo.
Stà dinto?
Ermelinda.
Sì, sta facenno tuletta pe gghi 'e ccorse.
Adolfo.
E mò venarrà pure., chill’ato?
Ermelinda.
E credo..
Adolfo.
He visto comm’è diventato assiduo?
Ermelinda.
Assiduo o no, io te l'aggio giurato che 'e chillo nun me passa manco p’ ’a capa!..
Adolfo.
Grazie, Ermelinda mia, grazie (/e bacia di nuovo la mano).
Ermelinda.
Statte cuieto, ca nuie cu na mossa, cu nu gesto imprudente putimmo arruinà tutte cose..
