Adolfo.
E ccomme?..
Ermelinda.
E nun 'o capisce ca si se n’accorgene che nuie nce vulirnmo bene, ccà nun te fanno accustà cchiù..
Adolfo.
E io pecchè te voglio troppo bene poco fa nun aggio, mannato a fà benedì a pateto!
Ermelinda.
E pecchè?
Adolfo.
E' fallito nu cliente, io a tiempo debito l’avvisaie 'e nunle spedì cchiù mercanzie, e chillo, pateto s'è scurdato... E. mò me n’ha fatto na colpa a me e a papà.
Ermelinda.
Ccà Adolfo mio, nun se penza a niente cchiù... nun se penza che 'o lusso e a sperperà denare... Figurate: abbunainento a S. Carlo.. Papà joca 'a na parte, Sasà ’a n’ata... Quatto cavalle ’a stalla: ’o cucchiere, ’o cavalcante, ’o cuoco, ’o sguattero.. Nu casino ’e lusso a Bellavista a Puortece.. Ogne tanto se dà na festa, e papà fa ’e cose ’agran signore... E doppo che tanta gente vene a sfamarse.. nce cuffeie no pure appriesso!..
Adolfo.
E s’è permesso ’e fa ’a paternale a me, e a parlà ’e chillo povero papà, che tene nu core d'angelo mpietto!.. Ma pienze nu poco, Ermelinda mia, tanto papà tuio che fratete e mammà toia, infanatechite ’e te fa spusà a nu gran signore» te pare che permetterranno ’e te fa spusà a me, senza bene ’e fortuna, e che sò nu modesto commesso viaggiatore.
Ermelinda.
(con fermezza) ’O marito pe mè, me l’aggia scegliere io e nun m’hann'a"dà lloro... E te si scurdato che a n’ati sei mise io tengo 21 anne?
