Adolfo.
Ma che sì asciuta pazza?.. Ma tu saie chi songh’ io o no?
Checchina.
’O ssaccio ca site nepote 'o cavaliere...
Adolfo.
E va’ dinto.. annùnziemo.. pecchè l'aggi 'a parlà d'affare.
Checchina.
Ma vuie nun sapite dinto chi nce stà?
Adolfo.
Chi nce stà?
Checchina.
(lo guarda attentamente) Nce stà ’o marchesino.. ’o prumesso sposo d’ 'a signurina..
Adolfo.
(icolpito, resta senza parlari e si regge a stenti in piedi) Tu che dice? (barcolla e siede).
Checchina.
Signurì, vuie ve sentite male?
Adolfo,
(cercando di riaversi) Sì., difatti., haie ragione.. M’è venuto nu capogiro.. Saie ch'j ’a fa... Dì a Zi Ciccillo che io sto ccà e l'aggia parlà d'affare importante...
Checchina.
Va bene., (via dal fondo a destra, poco dopo torna)
Adolfo.
Dio, Dio mio! Me sento spezzà l’anema!.. Ma è possibile? Ermelinda sarria stata capace d’ accondiscendere!... No, no, nun 'o pozzo maie credere!.. (resta con la teste fra le mani, poi ascoltando Checchina che tornaì si asciuga gli occhi col fazzoletto) Che t’ha ditto? (a Checchina che tornata).
Checchina.
V'ha mannato a dì ca Chisto nun è mumento 'e parlà d’affare, ca mo ave che ffà.
