Chiarina.
(ridendo) ’O vi 'o cannaruto!..
Lucia.
(a Carmeniello) E 'o signore quanno t’ha ditto che se ritirava?
Carmeniello.
È gghiuto 'a ferrovia a piglià ’o signorino... pecchè n'ora fa ha ricevuto un-telegramma d' ’o signorino D. Adolfo.
Nenè.
(allegro) Di modo che vene pure Adolfo?
Lucia e Chiarina.
(con gioia) Sì, sì...
Lucia.
Ha voluto sta pur’isso presente 'a festa d' 'a sora!..
Carmeniello.
(a Lucia) Signò sta rrobba addò l'aggia mettere?..
Lucia.
Và, Carmeniè, cunzegnalo a Francesca,'a femmena'e servizio, dint’a cucina, e dincello che mò tras'io p' ’aiutà...
Carmeniello.
Va bene... (via dal fondo a destra)
Nenè.
Sta venuta d’Adolfo m'ha fatto piacere!.. Che bravo giovene!
Lucia.
Ah! Nenè, non 'o faccio pecchè m'è figlio, ma è n'angelo ’e giovine.
Nenè.
Và sempe giranno pe fora?.
Lucia.
Semp’isso.. Dice che nun nce putimmo permettere ancora ’o lusso ’e tenè nu cummesso viaggiatore...
