Nenè.
Ah! se capisce!.. Chella superbia addò appoieno cchiù... Ma zi Ciccillo in fondo in fondo nun è de male core, e pure Ermelinda è n’angelo 'e figlia..
Chiarina.
Ah! sì chesto è overo; e d’ ’e disgrazie lloro me dispiace cchiù ’e tutte pe chella guagliona Uà...
SCENA 3.a
Carmeniello e detti.
Carmeniello.
(dal fondo, con grossa cesta sotto il braccio) Signò, ccà me manna ’o signore...
Lucia.
E ch’ata rrobba ha mannato?
Carmeniello.
E cierto pesce che simmo jute ’accattà abbascia ’a Preta..
Lucia.
(ialzando le fronde sotto cui è il pesce) Vedite che pesce frisco ha mannato Totonno.
Chiarina.
(iammirando) Quanto sò belle sti palaie..
Nenè.
(ic. s.) E sti treglie se ponno overe pittà!..
Lucia.
Nenè, è inutile che t' 'o dico, tu faie penitenza cu nuie stammatina.
Nenè.
M'’a chiammate penitenza?.. ’E vulesse fa tutt’'e juorne sti penitenze..
