Chirina.
Eh! ’e meglie servizie sò chille che uno se fa cu ’e mane soie!..
Nenè.
'A sape penzà... Accussi avesse fatto chill’ato, il signor Sasà.
Chiarina.
Eh! tu ’o vulive fà penzà ’e ccose d’ ’o magazzino... s’abbassava troppo!. Nenè, che se n’è fatto?..
Nenè.
Me dicette ’a mamma che se ne scappaie cu na canzonettista, e pare ch’è gghiuto a cadè in America.
Chiarina.
E nun ha fatto sapè manco 'a famiglia chiù notizie soie?
Nenè.
Chiarì, comme 3Ì ingenua!.. Sasà finché ha potuto arruinà ’a famiglia è stato ccà, quanno nun ha potuto fa niente cchiù, è ghiuto arruinà a ll'ate! Isso è stato ’a causa principale d'’e sventure d’ ’a casa soia...
Chiarina.
E chillo marchesino che s’aveva spusà Ermelinda?..
Nenè.
Chillo era nu miezo muorto ’e famma!.. Quanno vedette 1a caduta ’e zi Ciccillo, squagliaie!.,.
Chiarina.
Chillo se vuleva appujà ncuollo a essa!..
Nenè.
Se capisce... E appena vedette ’e guaie, se nejette nfummo ’o matrimonio!..
Chiarina.
Mi! che bello marchese!..
Carmeniello.
(ritornando) Signnurì, m’avif'a dà ati cumanne?..
