Comm'a scuoglio mmiezo mare
Quanno l'onna cchiù se mpesta,
Comm'a ncunia de ferraro,
Qua campana quann’è festa!
Si sto musso a cerasiello
Schitto veco a to arapì!
Io me sento no martiello
Mpietto farme tippe, ti!
Che bo dì sto sbattemiento,
Chisto parpeto de core
Che non fa trovarme abbiento,
Che me strazia ntutte l'ore?
Nenna, nè, guè spiegamello,
Non me fa cchiù nzallanì!
Che bo dì chisto martiello
Farme mpietto tippe, ti!
Ma tu ride... e te faje rossa.
Mo capesco... chist’è ammore,
Che mpizzannose int’a l'ossa,
M'ha perciato nfi a lo core;
E lo guitto lazzariello,
Pe se fa da me sentì,
Sempe sta co no martiello
Mpietto a farme tippe, ti.
