SCENA VI.
Alessio, e detti.
Alessio — (Sotto l'uscio)— È permesso?
Timoteo — (Alessio!).
Vicenzino — Chi è sto signore?
Alessio — Io sono...
Ersilia — le sono, io sono, e ditele chi site, il fratello sa tutto, sto signore è il compare di D. F ìlice che vi jne a felicitarsi col compare, e colla commarella.
Alessio — Come?..
Ersilia — (Asseconnate pe ccarità!)
Alessio — (E che è succiesso?)
Ersilia — (a Timoteo). — D. Felì. abbracciate lo compare.
Timoteo — Caro compare.
Alessio — Compare bello! (si abbracciano). (Timo che è stato?).
Timoteo — (Zitto, si no simme accise!).
— Alessio—Compare bello!... compare bello!
Ersilia — Oh! tutto s’è puosto in chiaro, e siccome na cenetta steva preparata, mo nce mettimmo a tavola, e volimmo sta allegramente, caro Vicenzino, all’idea eh? col loro matrimonio si farà anche il nostro.
Vicenzino — Bravo! ma per essere più completa la gioia, Concettè, viene co me, avimmo da j ccà vicino.
Concettella — Vicenzì che buò fa?
Vicenzino — Abbiete che io mo vengo. (Concetta via). Mo ve 1< vaco a piglià chili' affare che vuje sapite. (a T imoteo).
Timoteo — Se ne parla dopo pranzo.
Vicenzino — No, vuje ve l'avite da tenè ncoppa a li gamme... vi’ che aje sapute fà (gli stringe il mento e via).
Timoteo — (Tenendosi il mento con le mani)—Mannaggia all arma de mamnuta! m’à struppiato!
Ersilia — (ridendo)—Ah, ah, ah!... io vaco a preparà la cena, caro D. Felice, caro Compare...ah, ah, ah! Comme se belle tutte e duje! (via i due la guardano appresso '.
Timoteo — (Dopo un poco di pausa) — Caro compare.
Alessio — Compare bello! E tu comme te truove ccà?
Timoteo — E tu che sì venuto a fa ccà?
Alessio — La verità, io so venuto pe D.a Ersilia.
Timoteo — E io pure pe D.a Ersilia.
Alessio E D‘ Ersilia nce ha combinato chisto servizio.
