Carmela — Stateve attiento, non avesse da tra»! quacche mariggiolo (via).
Felice — Eh. no mariggiolo vene, n’auto ne trova ccà*.. vcnesse chella bonora de Concettellà. me fa sta mpenziero, già elisila va trova pe dò me jarrà trovanno si pure, si pure non hanno ncucciata pure a essa dinta a la casa e l’hanno fatta arrestà. Va trova comme jarrà a fini sta storia.
Ersilia — (Con involto) — Ecco fatto... Carmè?...
Felice — D.a Ersi.
Ersilia — Guè. D. Felì, state ccà.
Felice — D.a Ersilia mia, si sapisseveche m’è succiesso.
Ersilia — Che ve succiesse? Non site cchiù pazzo?
Felice — Qua pazzo, chella è stata na finzione pe fa contento a papà; stammatina so ghiuto dinta a lo Borgo S* Antonio Abate.
Ersilia — E perchè site juto dinta a lo Borgo S. Antonio Abate?
Felice — Pecchè m'à forzato papà, era juto pe me spusà a na figliola, figliastra di mio zio.
Ersilia — E vuje comme a marito de Concettellà, v avite c^mc"" arbitrato a tanto.
Felice — Non mi mortificate D.a Ersilia mia, vi giuro che era pe salva mio padre, isso co na mazza, io co na mazza, ncè ncontraveme mazze e mazze.
Ersilia — Io non vi capisco.
Felice — Eh, si sapisseve... intanto in casa de ziemo chi trovo?
Ersilia — Chi avite trovato?
Felice — Concettellà, che era juta a consignà no cappiello.
Ersilia — Uh! vedite la combinazione, me figuro che
scenata sarà successa?
Felice — Scenata? chella me voleva accidere Uà ncoppa; sera fatto gruosso, era crisciuto, io non lo vedeva...
Ersilia — Che state accucchianno.
Felice — Io pe calmarla ncè aggio ditto che me ne voleva scappa co essa fore paese.
Ersilia — Bravo!
Felice — Eh, bravo... ma pe fa chesta ncè volevene li denare, e io e essa stamme a uno grado de disperazione.
Ersilia — Embè?
Felice — Embè, ho profittato de certe granelle de zieme e me l’aggio pigliate.
Ersilia — Arrubbate?
