Chesta paggena è stata leggiuta.
77
miseria e nobiltà
Fel. Sissignore, io te dico tutto, ma nun alluccà!..
Bett. Tu haje ragione che io nun pozzo fa chiasso, pecchè si no faciarria nu male a la signorina... nun pozzo parlà... nun pozzo dicere chi si’... Ma però, guè! tu lu vide stu curtelluccio... (tira fuori un coltello a serramanico).
Fel. Bettina!.. Posate il cortelluccio!..
Bett. Dinto a la panza te lu chiavo, si nun me dice figliemo addò sta! (si guarda intorno con precauzione).
Fel. (E chesta è capace de me lu dà dinto a la panza!.. Ma ha ditto che nun po' parlà, nun po’ dicere chi songo... Ah! aspetta ca mo' t'acconcio io).
Bett. Dunque?..
Fel. Io non so voi chi siete, e che cosa dite... Io sono il principe di Casador!.. (Eh! allucca mò!...)
Bett. Ah, si lu principe de li cassarole?
Fel. (No, so' lu princepe de li caccavelle!)
Bett. E che me ne mporta a me!... Figliemo addò sta?... (minacciando Felice col coltello).
Fel. Indietro, vaiassa!.. O chiamo un servo e ve ne faccio cacciare! (suona tre tocchi).
Pepp. (si presenta un servitore in livrea corta) Comandate, eccellenza!
Fel. (Peppeniello!!! )
Bett. Chi è stu guaglione?
Fel. (avvicinandosi a lei) Zitto! È Peppeniello! E nostro figlio!...
Bett. Figliemo! (dà un grido, e corre ad abbracciare il ragazzo) Ah! Peppeniello mio, quanto te si’ fatto bello!.... Damme nu vaso! (lo bacia).
Pepp. E buie chi site?
