Chesta paggena è stata leggiuta.
58
eduardo scarpetta
Gem. Basta! Eugè, che vo’ dicere stu biglietto, ched’è sta finzione?
Eug. Ho fatto tutto! Abbasso è la mia famiglia in una carrozza chiusa, ed aspetta me per salire.
Gem. La famiglia toia?
Eug. Si, è na finta famiglia. Sono quattro miei amici che fingeranno li essere miei parenti.
Gem. Tu che dice!.. E si papà se n’addona?
Eug. È impossibile, sono travestiti alla perfezione!
Luig. E po’, chillo papà è nu ciuccio!... Se crede qualunque cosa...
Gem. Ma pecchè haje fatto chesto?
Eug. Per vederti, Gemma mia, e parlarti con libertà. (si picchia alla prima porta a destra.)
Gaet. (di dentro gridando.) Neh? Chi ha chiusa sta porta?!...
Gem. Papà!
Eug. Zitto!.. Andate via tutti, lasciatelo qui solo... Io ritornerò fra poco.
Luig. Io voglio fa pace cu papà, sì no le dico tutte cose.
Gem. Va buono, po mò vattenne, nce ponzo io.
Luig. Grazie, bellezza mia! (via pel giardino).
Eug. Mia cara Gemma! (Le bacia La mano, e ria pel giardino).
Gem. Bettì, arape la porta, e trova tu na scusa (via dal secondo uscio a sinistra).
Gaet. (bussando e gridando.) Vicienzo!... Biase!.. Chi ha chiusa sta porta?
Bett. (apre.) Eccellenza, scusate, l’aggio chiusa io, pecchè me credeva che nun nce steva nisciuno.
Gaet. (in frac e cravatta bianca.) Nun nco steva nisciuno? E io, ched’è, era squagliato?
