Chesta paggena è stata leggiuta.
57
miseria e nobiltà
mar’ a isso vi’!.. Mar’ a isso! M’aggio da scuntà tutto chello che m’à fatto!...
SCENA IV.
Luigino e dette, poi Eugenio, indi Gaetano
Luig. (dal giardino) Psst!.. Gemma!... Gemma!..
Gem. Guè, Luigi!.. Mannaggia all’arma toia!.. E comme?.... Te pigliaste n’auti 1500 franche da dint’ ’a la scrivania?
Luig. E so’ finite, bellezza mia!... Nun tengo manco nu sordo.
Gem. Eh!... E che buo’ da me, mò?... Chillo papà nun te vo’ vedè cchiù.
Luig. Addò sta papà?
Gem. Starrà dint’ a la cammera soia.
Bett. Sissignore, sta ccà.
Luig. E chiude la porta, cu la chiave, agge pacienza, io t’aggio da parlà. (Bettina chiude l’uscio a chiave.) Gemma, famme fa pace cu papà.
Gem. È impossibile! Chillo sta arraggiato cu ttico de na mala manera!
Luig. Tu puoi far tutto, bellezza mia! Vuoi vedere pure chi te ne prega? ( si avvicina alla porta del giardino, e chiama ) Marchesì, venite!
Eug. Eccomi qua, Gemma mia!
Gem. Eugenio!... E pe dò site trasuto?
Luig. Papà aveva dato ordine a lu guardaporta de nun fa passà nè a me e nè a isso, ma s’era scardato però de lu ciardino.... Lu canciello steva apierto, e nce simme mpizzate...
