Chesta paggena è stata leggiuta.
59
miseria e nobiltà
Bett. Me credeva che stiveve dinto a lu ciardino.
Gaet. Gemma addò sta?
Bett. Sta dint’ a la cammera soia, eccellenza. Mò proprio nce simme retirate.
Gaet. Sta bona?... Se sente bona?
Bett. Sissignore,eccellenza. Specialmente stammatina sta comme a na rusella de maggio.
Gaet. Benedetta figlia mia, benedetta!... La surpresa l’avite vista?
Bett. Qua surpresa?
Gaet. La porta chiena de camelie e rose.
Bett. Ah, sissignore, eccellenza. N ’ha avuto tanto piacere!... Chillu viecchio, il signor Bèbè, l’ha purtato stu bello aniello (glielo mostra).
Gaet. Lu ssaccio! Eessa ch’ha ditto?... N’ha avuto piacere?
Bett. Accussi, accussi... Vuie po’ sapite che chella tene tanta oggette, e difficilmente le fa specie na cosa.
Gaet. Se capisce!... Pe fa specie a chella, nce vonno brillante accussi! (fa segno con le mani).
Bett. Io vaco dinto, signò, permettete? (via a sinistra ).
Gaet. Lu cumplimento mio po’ nun se lu po’ maie aspetta!... Me sto accattanno na casarella ncoppa a lu Vommero... Attuorno nce faccio fa nu bello ciardino, e ncoppa a lu canciello nce taccio scrivere:
Villa Gemma. Stamattina aspettava lu proprietario pe finalizzà tutto, e nun è benuto ancora.
