Chesta paggena è stata leggiuta.
47
miseria e nobiltà
nun sarrammo manco seie. Aissera mannaie l'invito a lu miedeco de lu primmu piano, e chillo stammatina m'ha mannato a dicere che nun po veni, pecchè è vigilia e mangia pane e mellone. Mmitaie pure all’architetto de lu terzo piano cu tutta la famiglia, e stammatina m’ ha mannato a dicere che nun po’ veni, pecchè la mugliera tene dolore de mola. Io po’ dico: sti guaio me li putiveve fa sapè aissera, e io nun avarria ordinato lu pranzo pe dudece. Pure è buono che vene l'avvocato mio cu la mugliera e li doie figlie. So' quatte, e duie nuie, seie, e D. Dummineco, lu negoziante a Toleto, sette... Pure na bona tavola è.... Ma dudece era meglio, tengo tutto lu servizio completo!... Nun nc’è che fa! Quanno se danno tanta cumbinazione!.... Nce sarria stato pure chill’ assassino de figliemo Luigino; ma no, nun lu voglio vedè, me n’ha fatte assaie! E pe la capa soia se perde chesti ghiurnate!...
SCENA II.
Ottavio, e detto.
Ott. (di dentro) È permesso?
Gaet. Chi è?... Ah! il signor Bèbè!.... Avanti, favorisca.
Ott. (di fuori) Grazie... Se disturbo, ritornerò un’altra volta.
Gaet. Ma niente affatto, voi ci fate sempre onore e piacere.
Ott. Grazie, troppo gentile!
