Chesta paggena è stata leggiuta.
46
eduardo scarpetta
Pepp. E ched’è lu timbro?
Gaet. Lu campaniello. ( suona un tocco ). Un tocco, la cameriera è mia figlia. Ma tu nun te n’incarricà, nun te movere ( suona due tocchi ). Due tocchi.
Biase.. (entrando) Comandate, eccellenza!
Gaet. (Guè, chillo nun è stato mai esatto come a mo’!) Chi t’ ’a chiammato?
Biase.. Due tocchi, eccellenza.
Gaet. A tè te n’ ’a d’ afferra uno e buono!... Vattenne che nun aggio chiammato a te!
Biase., (guarda i festoni di fiori attaccati alla porta, e va via ridendo).
Gaet. No, io a chillu cestariello ne l’aggia mannà.
Biase.. Perdonatelo, cavaliere eccellenza, chillo è nu poco scemo.
Gaet. Seh! Portatillo ’a casa, chillo scemo!... Dunque? Due tocchi, o chiamino a pateto o a chill’auto animale anfibio, che mo’ se n’è ghiuto (suona tre tocchi). Quanno po’ siente sti tre tocche, è segno che chiammene a te, e tu te presiente.... Haje capito?
Viciè.. Va bene, cavaliere eccellenza, nun nce penzate! Chillo, lu guaglione tene talento. Jammuncenne, Peppeniè....
Pepp. Permettete, signò... (arriva sotto l’uscio in fondo, si volta, e ripete a Gaetano) Vicienzo m’è patre a me!
Gaet. E che buo’ da nuie? (Vicienzo e Peppeniello vanno via pel fondo a sinistra). Che giornata, che bella giornata, che bella giornata!.. Comme pare bella sta cammera tutta fiori!.. Intanto stammatina aggio urdinato lu pranzo pe’ dodici persone, e ccà
