Chesta paggena è stata leggiuta.
43
miseria e nobiltà
Gaet. Pecchè chella è la cammera soia, e mo' che se ritira dalla passeggiata, trova la sorpresa. Vide ccà quanta mazzette! Quanta fiori!.. (addita alcune corbeilles; poi prende un biglietto di visita ch'è sulla prima a sinistra, e legge), Alfonso... Alfonso... Viciè, liegge tu, chisto è nu carattere troppo piccerillo.
Viciè. (legge) « Alfredo » Ccà dice Alfredo.
Gaet. Me credeva Alfonso, aggio visto A nnanze.
Viciè. (legge) « Alfredo del Cane, Barone di Terranova ».
Gaet. Capisce, tutte nobele! — Barone Alfredo dei cani di terranova.— E chist’auto? (prende il biglietto di visita che è su un’ altra corbeille, in fondo a sinistra) Liegge, Viciè.
Viciè. « Aurelio Frichè dei Duchi di Castelquagliato » (leggendo).
Gaet. Scuse!... Castelquagliato!... E chist’aute? (come sopra, dal fondo a sinistra) Liegge, Viciè.
Viciè. (legge) « Il signor Bèbè ».
Gaet. Ah, va buono, chisto è il signor Bèbè... È nu viecchio che è benuto tre o quatto vote ccà; e nun putimmo sapè comme se chiamma... È abbonato a la poltrona, vene ogne sera. Seh!.... E sulo isso vene!... Ne venarranno da nu centenaro, e tutte pe figliema veneno, tutti suoi adoratori!
Viciè. Signò, scusate, e cu lu marchesino D. Eugenio che faci te? A me mme pare che la signorina le vo' bene assaie.
Gaet. Che bene e bene!.... Viciè, ma che si’ pazzo? Chella lu cuffea!
Viciè. Ma isso dice che se la vo’ spusà?
Gaet. Ah, dice, ma non lo fa... Io per me ne avrei
