Paggena:Lo cunto de li cunte - Tomo I.djvu/240

240

Trattenimiento X.

migliano, marito de Masella Cernecchia de Resina, ommo ricco comme a lo maro, che non sapeva chello, che se trovava, tanto ch’aveva nchiuso li puorce, e teneva paglia fi a ghiuorno. Co tutto chesso, si be n’aveva né figlie, ne fittiglie, e mesurava li de quibus a tommola, se correva ciento miglia, non le scappava uno de ciento vinte a carrino e, facennose male a patere, faceva na vita stentata da cane pe mettere da simmeto, e fare stipa. Tutta vota, sempre che se metteva a tavola pe mantenere la vita, nce arrevava pe ruotolo scarzo no malejuorno de compare, che non lo lassava pedata, e, comme si avesse l’alluorgio ncuorpo, e la mpolletta a li diente, sempre si consignava all’ora de lo mazzeco, pe remescarese co loro. E, co na fronte de pesaturo , se l’azzeccoliava de manera ntuorno, che no ne lo poteva cacciare co li pecune . E tanto lo contava li muorze ncanna, e tanto deceva mottetto, e jettava mazze,fi che l’era ditto: Se te piacesse! Dove, senza farese troppo pregare, schiaffannose da miezo a miezo fra lo marito e la mogliere, e comme si fosse abbrammato, allancato, ammolato a rasulo, assajato, comme cane de presa, e co la lopa ncuorpo, co na carrera, che bolava, — da dove vene? da lo molino — ; menava le mano comme a sonatore de pifaro, votava l’nocchie comme a gatta forastera, ed operava li diente comme a preta de macena; e, gliottenno sano, l’uno voccone non aspettanno l’antro, corame s’aveva buono chino li vuoffole, carrecato lo Stefano, e fattone na panza comme a tammurro; dapò visto la petena de li piatte, e scopato lo paese, senza dicere: