penza’ ’o marito. (Pausa) Stando così le cose, continuate ’o discorso. Se parlava ’e me? ’e muglierema? Mme piace ’e senti’.
DON PEPPE (rabbioso, alla moglie) — Va bbuono? Tu he ’a jetta’ ’o sango dint’’a casa toia[1]!
GIOVANNI — Giesù! e pecché trattate accussi ’a mugliera vosta? Cchiu calmo e ragionevole di cosi non potrei essere. ’E che m’avarria piglia’ collera[2]? della discussione che stavate facendo sul conto mio? E pare che siete i soli: ne parla tutta Napoli! Perché me la dovrei pigliare proprio con voi? C’è il solo fatto che parlavate di me, in casa mia… Ah, embé, e se è solo per questo, sono pronto a darvi qualche schiarimento maggiore, in modo che voi possiate sapere bene i fatti prima di biasimarmi. (Don Peppe, imbarazzatissimo, vuole congedarsi; Giovanna lo ferma) Ah, no: mo, vi prego, m’avit’a senti’. Dunque, poc’anzi dicevate? «M’avisse pigliato pe’ Don Giuvanne?» È cosi? (Pausa) Guardate, Don Pe’, io songo ommo, songo n’ommo riflessivo… Figurateve, riesco a cchia’[3] ’o fierro, nun chiarria[4] muglierema?! (Ad Elisa) Piccere’[5], famme ’o favore, jescetenne[6] nu poco, fance parla’. (Elisa esce. A Peppenella, che apparecchia) Peppene’, lassa sta’.
PEPPENELLA — Ll’acqua se sta ’nfucanno[7], mo ca volle[8], me chiammate.
GIOVANNI — Grazie. (Peppenella esce. A Don Peppe) Don Pe’, rispondetemi: vuie ca site nu faticatore, ca scennite[9] ’e notte pe’ gghi’[10] a fatica’, e ca passate p’’a puteca mia, addo’ me truvate?
DON PEPPE — Vicino ’a forgia.
GIOVANNI — Faticanno! E ’a sera, quanno ve ritirate, addo’ me truvate?
DON PEPPE — ’O stesso posto.
GIOVANNI — Faticanno! E stasera è stata n’eccezione ch’aggio chiuso cchià ampressa[11] pecché avev’a veni’ ccà. Dunque, avimmo assodato ca io songo nu faticatore?
DON PEPPE — E chi ’o ppo discunoscere?
DONN’ANNA — Giesù, tutte quante chesto diceno: ca stu trattamento vuie nun v’’o mmeretate[12]
GIOVANNI (amaro) — Lassammo sta’. Dunque, ’o duvere mio ’e marito qual è? Fare fronte a tutti i miei obblighi, è cosi? Don Pe’, ogne matina ’ncopp’’a stu tavolo,
- ↑ hé ‘a jetta’ ’o sango dint’‘a casa toia!: te ne devi andare in fretta a casa tua!
- ↑ m’avarria piglia’ collera: dovrei dispiacermi.
- ↑ a cchia’: a piegare.
- ↑ chiarria: piegherei.
- ↑ Piccere’: piccolina, bambina.
- ↑ jescetenne: esci.
- ↑ ’nfucanno: riscaldando.
- ↑ volle: bolle.
- ↑ scennite: scendete.
- ↑ pe’ gghi’: per andare.
- ↑ ampressa: presto.
- ↑ nun v’’o mmeretate: non ve lo meritate.
