Paggena:Il mastro di forgia - Raffaele Viviani - 10 commedie.djvu/10

394

Raffaele Viviani

ELISA — ’O sapite a isso, papà?

DON PEPPE — Diceno ch’è nu ribusciato^[1] qualunque, ca tene pure ’ammunizione^[2]… Nu fracetone^[3].

ELISA — Giesù, e ’e che se n’è ’nammurata?

DONN’ANNA — Eh, figlia mia, nuie ati femmene simme capricciose. Quanno n’ommo cchiù ce fa, cchiù ce ne facimmo.

DON PEPPE (scattando) — Va’ dinto, miette ’a tavula, nun ave’ nu buffettone^[4]! (Rifacendola) «…Cchiù ce ne facimmo…». ’O primme pede stuorto^[5] ca mettisse ’n terra te sagliarria^[6] ’ncopp’ all’asteco^[7] e, ’a copp’’a na seggia^[8], te menarrie abbascio^[9]

PEPPENELLA (ridendo) — E pecché, ’a copp’’a na seggia?

DON PEPPE — Pe’ sagli’ cchiu ’ncoppa.

DONN’ANNA — Eh, se dice…

DON PEPPE — Se dice? E fance ’a prova^[10]! (Scatta) M’avisse pigliato pe’ Don Giuvanne? (Entra Giovanni Acciarino. Quarant’anni. Calmo, impassibile, con i panni da lavoro e il cappello un po’ di traverso. Ha ascoltato le ultime parole di Don Peppe, e non ne sembra sorpreso. Il vecchio, pero, rimane interdetto, nel vederselo davanti cosi, all’improvviso. Peppenella, per rompere il ghiaccio, interviene).

PEPPENELLA — Donna Carmela è scesa.

GIOVANNI (guardando i presenti) — Continuate. (A Don Peppe) Stavate dicendo: «M’avisse pigliato pe’ Don Giuvanne?». Don Giuvanne è scemo? A criterio vuosto, e a criterio ’e ll’ate, io so’ ’o scemo?

DON PEPPE (mortificato) — Permesso. (Fa per andare).

GIOVANNI — Restate, restate. Continuate pure ’a discussione. Io pozzo^[11] pure sentì, tanto… è nu fatto ca nun me riguarda. Me riguardasse, allora sì. Ma, pe’ na cosa di cui mi sento estraneo, nun pozzo piglia’ na compromissione… Io, per farvi capire, songo sulo^[12], sulo, Don Pe’! E si passasse, mettimmo, nu guaio, e gghiesse^[13] ’n galera, nun tenarrie manco chi me mettesse n’avvocato, chi me lavasse na cammisa^[14], chi me purtasse, nun dico nu pranzetiello^[15], ma na parola ’e cunforto dint’’e ccancelle^[16]. Sorema^[17]? E sorema ha ben altri doveri, ha dda

1. ribusciato: debosciato.
2. ‘ammunizione: l’ammonizione (di polizia).
3. Nu fracetone: uno svogliato, un nullafacente.
4. buffettone: scappellotto, schiaffo.
5. Pede stuorto: piede storto.
6. te sagliarria: ti farei salire.
7. all’asteco: sul lastrico solare.
8. ’a copp’‘a na seggia: da una sedia.
9. menarria abbascio: butterei giù.
10. fance ‘a prova!: provaci!
11. pozzo: posso.
12. Sulo: solo
13. Ghiesse: andassi
14. Cammisa: camicia
15. Nu pranzetiello: un buon pranzo
16. Dint’’e cancelle: in carcere
17. Sorema: mia sorella