354
Na cafettera, n'arciulillo, e no coppino.
Na cioccolatera de ramma co lo muleniello de
legnam.
No mortaro de marmo co lo pesaturo de ligno.
No mortariello d'abrunzo.
No tagliero.
Doje setelle, na martora pe ffà lo ppane co la
rasola de fierro.
Quatto setacci, duje chiù gruossi de l'auti.
No tavolillo pe ffa le pizze co lo laniaturo.
Cucchiare, e cucchiarelle de ligno.
Duje curtielle.
Na tavola, e na tavolella pe la cucina.
Duje cate.
Mappine et zetera, et zetera.
Piglia no bello piezzo de carne de vacca e a
da essere la ponta de pietto, pecchè è llo
chiù grasso: no piezzo de ventresca, doje galline, e
miette a bollere ogne ncosa; starraj a tiento allo
scummà, ca si nò te vene lo brodo niro niro,
doppo che l'aje scummato buono buono nge miette
no piezzo de lardo viecchio pesato, llo sale, e
nge miette pure na cepolla sana; quanno tutta
chella rrobba s'è cotta nne la lieve, e passarraje
chello brodo azzò se ne levano tutti chilli cicoli
de lardo, e la cepolla.
Dint'a chisso brodo nge può fà qualunque
sciorta de menesta verde, e vedarraje che cosa
stommateca che vene.
Si pò co chillo stesso brodo nge vorrisse fa
