mia allora accuminciaie la vita mia: p’’a primma vota tenette na casa mia, nu letticciullo mio… (a ’Ntun.) Te ricuorde ’Ntunè?
Nt. (con grido dell’anima) Core d’’o core mio.
P. M. Ma vi pare questo il luogo delle vostre svenevolezze sentimentali?
Nt. (con accorata protesta) Pure chesto ve fa male?
M. P. Silenzio voi.
Esp. (dolce) Statte zitta, Nanè, statte zitta, (ai giurati) Na casa. ’O Paraviso. Nascette nu criatoro Papelucci: Po’ ne nascette n’ato: ’a femmenella: Nennella mia!
Russo (Polì, questa si sbrigherebbe in un quarto d’ora)!
Esp. Passaieno l’anne, felice, accussi… felice… Quanno nu luorno (tetro)… nu iuorno Papeluccio m’afferra ’a mano e me dice: Papa… papà… E vuleva parlà e nun puteva parlà. — Core, Papelù! a papà tuio… che è? che è? Dì. Chiamm’’o miedeco. ’A miningìa. Sette iuorne. Io ievo ’a faticà pecchè, se sa, ’e denare squagliavano… e po’ nun m’aspettavo na sciorta tanta nera… e ’o sabato a sera torno… e nun ’o trovo cchiù a Papeluccio mio… (rivivendo l’ora di follia) Papelù… capille d’oro… uocchie ’e sole.. core ’e papà tuio… carne d’ ’e carne mie, figlio, figlio mio, figlio mio perchè m’’e lassato? Pecchè? ’A morte s’’o pigliaie mentre papà suio nun ce steva. No, figlio d’oro mio, no… ca si ce steva papà suio manc’’a morte… manco Dio te pigliava! (una pauna affannosa).
Rus. (approvando) Bravo..
Pol. (tirandolo per l’abito) Onorè.
Ntun. (ha seguito il racconto, trascinata dal ricordo: piange ora di un pianto soffocato tra le palme).
Nenn. (l’accarezza confortandola).
(Un breve silenzio colmo solo di quel pianto).
