Paggena:Circo equestre Sgueglia - Raffaele Viviani - 10 commedie.pdf/55

109

Circo equestre Sgueglia

Pure ll’uocchie me voglio leva’^[1],
pe’ vvede’ ’e te fa’ meno suffri’!
’A dimane^[2] ricive^[3] ’o mangia’,
solde ’a porta^[4]… E po’, vide^[5] ’e fa’ asci’
tutt’’a rrobba^[6] ca s’ha dda lava’,
brca io t’’o lavo e t’ ’o ffaccio trasi’.

Graziella (mentre la musica continua, a Nonnina) — Vide si vò sigarette.

Pepesce (a Graziella) — Lassa sta’: dimane e’ ’e mann’io^[7]. Damme diece lire!

Il primo suonatore (ironico) — C’ ’e mann’isso.

Pascalotto (a Fafele ed al trattore) — Ato che^[8] telegrafo senza file!

Carmeniello — Hanno miso ’a coppa a Marconi^[9]!

Nannina (a Graziella) — Starrà sentenno^[10]?

Graziella — E comme!

Pepesce — ’O Carmene^[11] è na cascia^[12] armonica!

Carmeniello — Pirciò ce veneno^[13] a ffa’ ’e cuncierte^[14] (Il canto ripiglia).

Nannina

Statte buono^[15], nient’ato aggi’a di’…
Ciento^[16] vase^[17] pe’ dint’’o ccanta’^[18]…
Tutt’’o tiempo che avimm’a suffri’, a
rassignate, ’o facimmo vula’^[19]…
Nun fidarte; te ponno^[20] tradi’…
E ’a cundotta…: n’esempio ’e buntà!

Spezza la musica

Il primo suonatore (mettendo nel fodero lo strumento) ― Menu male…

Pascalotto (a Carmeniello) — Se ne vanno.

1. Pure ll’uocchie me voglio leva’: anche degli occhi mi voglio privare.
2. ’A dimane: da domani.
3. ricive: ricevi.
4. solde ’a porta: soldi alla porta (troverai).
5. vide: vedi (di trovare il modo), cerca.
6. rrobba: roba, qui nel senso di biancheria.
7. mann’io: mando io.
8. Ato che: altro che.
9. Hanno miso ’a coppa a Marconi!: hanno superato Marconi!
10. sentenno: ascoltando.
11. ’O Carmene: il carcere del Carmine.
12. cascia: cassa.
13. veneno: vengono.
14. cuncierte: concerti.
15. Statte buono: stammi bene.
16. Ciento: cento.
17. vase: baci.
18. pe’ dint’o ccanta’: nella canzone.
19. vula’: volare.
20. ponno: possono.