Chesta paggena nun è stata leggiuta.
— 55 —
« nu poco ch'era « ’a sora »,
« ma po, confusa, aveva dichiarato
« ca sulo a isso, appena ce parlava,
« chi fosse l’avarria fatto sapè. »
E ’st’infermiere, appunto, addimmannava:
— « ’A vulite vedè? »
Gennarino restaie pe’ nu mumento
penzaruso e accigliato...,
’nfaccia una lampa ’e fuoco,
e p’ 'e ccarne, gelato...
Ll’uocchie le s’appannàino pe’ nu poco
cumme a quanno ’na for t’impressïona
te vulesse fa' chiagnere e nun può...;
ma fuie pe' nu minuto:
po se calmaie: guardaie « mamma cafona »
fisso ’int’a lluocchie, e, friddo e risoluto,
dicette ’nfaccia a ll’infermiere:
— « No. »
