Paggena:Canta Posillipo... (Ernesto Murolo).djvu/62

'A Wikisource.
Chesta paggena nun è stata leggiuta.
— 56 —

I FILOSOFI



E dinto Maggio è sciso ’o Cielo ’nterra:
              acqua e neve a zzeffunno!
               (ca si ’o Signore sferra
cu nu sciuscio subissa uommene e munno).

E sotto a 'sta ncasata d’acqua e vviento
ch’ ha sdrarecat’ ’e qquerce, stammatina,
ca s’ ha purtate ’e scuoglie d’ ’a banchina,
aggiu visto parti nu riggimento.

Nisciuno appriesso. Forse ’stu curaggio
d’ accumpagnarle sott’ a na tempesta,
nisciuno 1’ ha tenuto. E ogne fenesta
forse, s' è nchiusa; e ’a gente
s’ arreparava ’ndifferentamente.

Nisciuno appriesso. Sulo poche rose
— rose d’ ’o mese ’e Maggio —
ch’ ’e surdate cuglietteno ’e passaggio,
primm’ ’e lassà ’a caserma, ’int’ ’o curtile,
lle fanno cumpagnia, sfrunnate e nfose,
                     attaccate ê fucile.