E quanno se facette grussiciello,
isso ’a chiammava: «mamma»; essa diceva:
«... figliemo Gennarino... »
Ma p’ ’o paese ’a storia se sapeva,
e’ o mettettero a nnomme: « ’o signurino ».
Era peggio ’e nu schiaffo! Quante sere
mammarella, npenziere,
l’aspettava speruto d’ ’o vedè;
e, ’ncampagna int’ ’o grano annascunnuto,
’o truvava chiagnenno triste e muto
senza ca mai vulesse di pecchè!
A diciott’ anne vuluntario ’e guerra,
’o guaglione partette ê 30 ’e maggio.
Pe’ tanta notte « sacco e zaino a terra »,
friddo, gelo, ma po... pigliaie curaggio,
e nu juorno — ferito diece vote
tanto ca s’era esposto e aveva fatto
maraviglia surdate e cumandante,
« Mario Gennaro Esposito, d'ignote »
presente tuttuquante,
attuorno ’o strappuntino ’e nu spitale,
avette ’na medaglia, e int’ ’o giurnale,
stampaino ’a vita, ’a storia e nu ritratto.
’Ncap’ ’e nu tiempo, mentre affianc’ ’o lietto
« mammarella ’e Salierno » s’ ’o vasava
e lle cacciava ’a dint’ ’o fazzuletto
’e sparagne d’ ’o mese,
’e purtiialle e ll’ uva d’ ’o paese,
nu capurale ’e guardia ’a nfermaria
dicette ca « ce steva na signora
« ca vuleva « parlà con l’ammalato».
« Nu poco aveva ditto ch’ era « ’a zia »,
