Chesta paggena nun è stata leggiuta.
— 53 —
“ MAMMA CAFONA ”
E se chiammava « Esposito... »
Era stato crisciuto ’a na cafona
d’ 'a Pruvincia ’e Salierno.
Nu juorno ’a puvurella — er’ ’e stagiona —
pigliaie, dicimmo nuie, na specie 'e terno
na canuscenta soia, napulitana.
che faceva ’a vammana
lle dette, ’int’ a nu ricco guardinfante,
’stu piccerillo a ccrescere: ogni mese
ciente lire ’ncuntante,
p’ ’o fastirio e p’ ’e spese.
Po s’ ’o scurdàino.
E ’a povera cafona,
morta ’a vammana, che puteva fa’?
Napule è accussi gruosso! A chi spïava?
Cu chi se confidava?
Penzaie: « mo nce 'aggio mise affezïona;
nun tengo figlie: Dio m’ ’a manna bona. »
E nun tenett’ ’o core d’ ’o lassa.
