chèli cavalli abbaiano troppo: comme ve pare?
Ber. (Rummaneno 31 ducate, e cco La penzata che aggio fatto fìgnennome barone, na centenaro de pezze l’ avraggio da remmedià; e ppò... e poi si batteranno le calcagna.^
Pul. No; manco li ciucce j sti ppovere bestie sono soggette alle convulsioni eteriche; mo m’accatto due porci, eccellènza.
Ber. (entusiasmandosi ira sè) (Oh comme va bello: me porto a Ssalierno...)
Pul. Sì, due pprci: animale grasso e ssaporito: comme vi pare eccellenza? Monzù, comme vi sembra la mia ponzata?
Ber. (Trovo sorema Lauretta, me sposo Carmenella...)
Pul. Monzù,e rispondè muà...oh! Monzù, monzù, a tte dico monzù...
Ber. (senza rammentarsi deir assunta finzione gli risponde con tutta rusticità) All’ anca de li muoffe de mammeta e de pateto! tu che mmalora vuò da me?
Pul. (fuori disè) (Chesto chedè! monzù parla comme a no vastaso de dogana!)Ne, monzù...
Ber. Chedè, parla? che ccancaro scopierto t’è succiesso?
Pul. — Cancaro scopierto! — eccèllenza, cancaro scopierto pur’ è vocabolo francese?
Ber. (prorompendo in riso) Tu che francese e (francese...Ah, ah, ah...
Pul. Eccellenza... monzù...vuje site lo barone?..
Ber. Ah, ah, ah!
Pul. Eccellè, non ridere.«.eccellè, fatte asci lo spireto...
Ber. Ah, ah, ah!..
