M.pr. Marie mo rame ne farrisse vottà Io Pascone co tutte li cacciature!... io vinte ducate comme bonora chiù li ccombine?
M.gi. Vuje comme v’abbelite nè, ch’è pperzo lo munno?... mo che ve mmaritate pagate tutto T attrasso.
M.pr. Ma tu sì ppazza o che?... tanto faje facile la cosa.
M.gi. Io aggio apparicchiato pure na canzona pe lo primmo mascolo... Sapite che li vierze mme veneno da dinto a lo ventreciello, e vve ne scàrreco no magazzeno quanno tenco ir estrece che mme sciòscia. Iammo mo dinto a arresedià la veste de D.a Michelina, ca pò maturammo co cchiù cervellechiamiento la manera comme manna li cquaglie a D. Timoteo. (entra in casa)
M.pr. Sine sì, statte co sta speranza, ca mme vedarraje arreccuta pe na pressa, (via appresso)
SCENA IV.
Camera decente con finestra in fondo.
D.a Michelina alla finestra discorrendo con Errico, che non sarà visibile perchè figura. si che sia al sua balcone per dialogare con la stessa.
Mic. Vi, nisciuno me lo lleva da capo. Timoteo è originale, gnorsì, ma non se po nega, signorino inio, che pe sta stizza del mio signor fratello vuje avite guadagnato no terno a la bonaffigiata.
