bone figliole meritano no poco de riguardo...
M.gi. Quanto site bravo! quanto site sensibile! (per baciargli la mano),
Pan. No, no bella mia!... io a tte, no tu a mme.
M.gi. Li soggette dabbene mereteno affecchienzia... Don Pangrà, addòjate?
Pan. A sbriga cierte affare acciò ogge pozzo sta libero, e dedicarne no poco a lo Pascone.
M.gi. Facite caccia ogne gghiuorno?
Pan. Immancabilmente.
M.gi. E ppigliate rroba assaje?
Pan. Non c’è menale: cierte bote piglio fucetole, cierte bote struacchie, mo eh1 è lo tiempo de li cquaglie, mme ne faccio na ventina a Io juorno scommettenno e bbincenno sempe.
M.gi. Don Pangrà, ve vorria cereà no piace re; moncevò site tanto buono... Tenco n’obbricazione, vorria mannà a rrialà na decina de quaglie a na signora che rmn’ha fatto tanto bene; si ncaso maje...
Pan. Ba’ta così, pe sta faccia non sulo diece, ma l’intera razza quagliatoria. Ogge te li pporto, e sia na caparra de la somma stima che ho per te, bella mia.
M.gi. E la bontà vosta, io non lo merito.
Pan. Tu mmeritarrisse no Perà; tu sì bella, sì bona, sì aggraziata dinto a li muoffe de mammeta!... ah! (sospirando)
M.gi. late mo, azzocchè ogge site libero e ppotite quaglia..
Pan. Statte bona, statte bona gioia mia. (via)
M.gi. (congiùbilo) Principà è ffatto. Li cquaglie so benute e bone.
