Mari. Na lu ssaccio.
Sav. Comme?...
Mari. Quanno nascette io, era muorto paterno; jatelo a Uro va nzieme co D. Pangrazio, e spiatencello.
Pan. Statte bona.
Sav. Vi comm’ è schioppatella sta guagliona!... Nennè, te vuò mmarita?
Mart. Eh! vedite... tengo li pupazze mieje, D. Pascalino, D. Michelino e D. Franceschino; chille pò se piglieno collera; mo nce lo baco a spia, ai lloro vonno, ve donco na bona risposta. Aspettateme, avite capito? aspettateme (vìa)
Sav. Ora sta bardasela mi farebbe rivocare al sentimento di morir zitello.
Pan. D. Savè, e sì biecchio bonora!
Sav. So biecchio e lovè?... e no cierto amico che se voleva sposa nna figliola, scordannose ca sta dinto a li passolune, e sta vattenno la ritirata...
Pan. E st’ amico che dice tu, si non tene gioventù, tene la mbrumma.
Sav. Dice tu mo che li denare cummogliene ogne difetto; ma sta vota lo proverbio è ghiuto stuorto; Giulia non te pò sentì manco annomenà. Uh!... che beco! chi so chilli 8traociune che traseno ccà dinto?
Pan. Gnò? e chiste da dò so asciute? bonora! non me nganno... Sè; è isso.. Nepotemo
Sav. V’ è nnepote?
Pan. Gnorri: uh! e comme va accossi sfrantummato? Nepò, nepò? (incontrandolo) tu ccà? che bò dì sto fatto?.
